Сот отырысында Қуандық Бишімбаевтың пәтеріндегі фотосуреттер көрсетілді. Суреттерде қабырға сынып, айнала қан-жоса болған, - деп хабарлайды Massaget.kz тілшісі.
Суреттер Бишімбаевтың інісі Бақытжан Байжановтың телефонынан табылды. Прокурор Байжанов пен Гүлшара есімді үй тазалаушының диалогын оқып шықты. Сағат 00.11-де үй тазалаушы Байжановқа Бишімбаевтың Астанадағы пәтерінін үш сурет жіберген.
"Бәрі қан. Бәрін жуып жатырмыз. Мынау Каримның (Бишімбаевтың ұлы) бөлмесі. Матрасты жуғанымызша жудық. Айналдырып, қайтадан орнына қойдық. Келген кезде қарап шығарсыз. Кілемді химиялық тазалауға беру керек. Ток ашық тұр, лентамен байламаса, ток соғуы мүмкін", - деп жазған үй тазалаушы.
Суреттер сот отырысына қатысып отырған тараптарға көрсетілген. Онда еден мен қабырға қан болып кеткені көрсетіледі. Қуандық Бишімбаев сол күні пәтерде не болғанын түсіндіруге тырысқан.
"Бұл 9 наурызда болған оқиға. Үй тазалаушы 10-11 наурызда келіп, жұмыс істеп кеткен. Сол кезде кілемді тазалауға келді. Ол Салтанаттың емес, менің қаным. Ыдыс-аяқтар сынды, оң аяғыммен сынған ыдысты басып кеттім, тыртық қалды. Каримның бөлмесінде мен жаттым, сондықтан кілем қан болған", - дейді Бишімбаев.
17 сәуірде өткен сот отырысында Қуандық Бишімбаев өзіне қол жұмсар алдында өсиет қалдырғаны белгілі болды.
Судья Айжан Күлбаева Салтанат Нүкенованың өліміне қатысты мәскеулік мамандар жүргізген сараптама нәтижесін іс материалдарына қосу туралы өтінішті қанағаттандырмады.
Сонымен қатар, Cалтанат қайтыс болған бөлмеде оның саусақ іздері табылмағаны белгілі болды.
Бұған дейін Қуандық Бишімбаевтың анасы сотта сөз сөйлеген болатын. Ол ресейлік сарапшының шешімін іс материалдарына қосуды қолдауды сұрады.
Бұған дейінгі сот отырысында қылмысты жасырып қалды деген Бақытжан Байжанов сөйледі.
10 сәуірде өткен сот отырысында Бишімбаевтың адвокаттары Нүкенова қабырғадағы кірпіш қалауына соғылып жарақат алғанын мәлімдеген болатын.
Сонымен қатар, сот отырысында прокурор Айжан Аймағанова Салтанаттың құрбысымен диалогын оқып шықты.
Бишімбаев туралы не белгілі: экс-министрдің иелігінде не бар?
Сотта Салтанат Нүкенова мерт болған vip-бөлмеде табылған заттар көрсетілді.
9 сәуірде өткен сот отырысында Салтанат Нүкенова қаза тапқан түні мейрамханада жөндеу жұмыстарын жүргізген қызметкер сотта куәгер болды. Сот отырысында жөндеу жұмыстарын жүргізген қызметкер мен мейрамхана әкімшісінің диалогы жарияланды.
Сонымен қатар, сот-медициналық сараптама маманы Тахир Халимназаров Салтанат Нүкенова қандай жарақаттар алғанын манекенде көрсетті.
Бишімбаевқа қатысты сот отырысында сот-медициналық сарапшы Тахир Халимназаров марқұм Салтанат Нүкенованың денесіндегі жарақаттар туралы айтты. Сарапшының сөзінше, Нүкенованы қолымен қылғындырған болуы мүмкін. Мұны оның денесіндегі жарақаттар көрсетеді.
Еске салайық, бұған дейінгі сот отырысында Салтанаттың Бишімбаевқа жазған хаты жария болған еді. Бишімбаевтың қорғаушылары марқұм Салтанат Нүкенованың Қуандық Бишімбаевқа жазған хатын оқып берді.
Бишімбаев Нүкенова оның өміріне қауіп төндіргенін айтты
Сонымен қатар, Бишімбаев Нүкенова қайтыс болған түні не үшін көріпкелге хабарласқанын түсіндірген болатын.
3 сәуірде өткен сот отырысында Бишімбаев Салтанат қайтыс болған түн туралы мүлде басқа деректер айтқан болатын.
Сонымен қатар, Қуандық Бишімбаевтың қорғаушылары қылмысқа қатысы жоқ суретті көрсетіп, судьяны жаңылыстыра жаздады.
"Сотталушының телефоны". Бишімбаевтың сотында ұялы телефон шырылдады
Бишімбаев Салтанат көз жұмар алдында да жедел жәрдемге емес, балгерге хабарласқан
Өз-өзіме қол жұмсасам дұрыс болады деп ойладым - Бишімбаев
"Былай айт, былай айт" деп жатыр. Байжанов Бишімбаев өзіне қысым жасап жатқанын мәлімдеді
Сотта Бишімбаевтың Нүкенованы ұрып-соққан видеосы көрсетілді
Сонымен қатар, Бишімбаевтың сөзінше, қабырғадағы қан емес, балмұздақ.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!