"Ұшаққа асыққан". Төреғали Төреәлінің адвокаты оқиға жайлы айтып берді

Төреғали Төреәлінің адвокаты Эльнура Кишкенебаева әншінің құқығы бұзылғанын, өнер иесі өрескел қате жасамағанын жеткізді. Бұл туралы адвокат Massaget.kz тілшісіне берген сұхбатта айтты. 

Әншінің қорғаушысы Эльнура Кишкенебаева азаматтық құқықбұзушылық болғанын айтты. 

"Менің қорғауымдағы азамат Төреғали Төреәлі Қызылорда қаласына бару үшін ұшаққа асыққан, сондықтан жылдамдықты асырған. Соны байқаған полиция қызметкерлері байқап, тоқтатқан. Алайда Төреғали тоқтап оларға ескерткен. Қызылордаға бара жатқанын, мүгедек қызының еміне үлгеруі керектігін айтқан", - дейді адвокат. 

Қорғаушының айтуынша, көлікті тоқтатқан кезде полиция қызметкерлері тарапынан күш көрсетілген. 

"Көлікті тоқтатқан кезде Төреғали қорғаушысына, яғни бізге хабарласқан кезде полиция тарапы Төреғалиға ондай мүмкіндік бермей, оны көлікті отырған жерінен сүйреген. Оны сүйреп, жұлқылап алып шыққан кезде Төреғалидің басы жерге тиіп, миы шайқалған. Халық алдында бір қылмыскерді ұстағандай көзқарас тудырды. Сол автокөлікте жұбайы да отырған. Полиция қызметкерлері жұбайының отырғанына қарамастан, жұбайы жақтағы есікке келіп, оның үстінен аттап, Төреғалиді көліктен итеріп шығаратын іс-әрекет жасаған. Қорғаушыға хабарласуға ешқандай мүмкіндік бермеген. Біз Төреғалиді тапқан кезде жағдайы өте ауыр, нашар күйде болды. Ешқандай алғашқы медициналық көмек көрсетілмеген, біз оны алып кетуге мәжбүрміз деген кезде олар өз көліктерін жедел-жәрдем көліктерінің алдына қойып, бізді жібермеуге әрекет жасады", - дейді адвокат. 

Айта кетейік, кеше Алматыда танымал әнші Төреғали Төреәлі ұсталған видео тараған болатын. Кейінірек оның есірткіге мас болып ұсталғаны белгілі болды.

"Тілімді қышытпаңдар". Төреғали Төреәлінің қарындасы ағасына шаң жуытпай отыр

Сондай-ақ, өнер иесі 20 тәулікке қамауға алынды. Төреғали Төреәлі өз ісіне өкініп отыр. 

Полиция Төреғали Төреәлінің ұсталған сәті анық көрінетін видеоны жариялады

Еске салайық, бұған дейін TikTok-та әнші Төреғали Төреәлі белгісіз ер адамды ұрып тастаған делінген видео тарағаны хабарланған болатын. Кейінірек Алматы облысы Полиция департаменті бастығының тергеу бойынша орынбасары Рустам Әбдірахманов бұл іске қатысты пікір білдірген еді. Cонымен қатар, әнші уақытша ұстау изоляторына қамауға алынғаны белгілі болды.

Кейін әншінің өзі де жанжал неден шыққанын түсіндірген. Оның айтуынша, жаңа клиптің түсірілімі барысында жанжал шыққан. Жәбірленуші олардан көзін алмай, жұмысына кедергі келтірген. Нәтижесінде жанжал соңы әнші тарапынан төбелеске ұласқан. Ал кейін Төреғали Төреәлі соққыға жыққан жігітпен татуласқаны белгілі болды. Сонымен қатар, іс тоқтатылды.

"Төреғали Төреәліге қатысты ҚР Қылмыстық кодексінің 293-бабы 1-бөлігі негізінде тіркелген қылмыстық іс бойынша тараптар татуласқанын хабарлаймыз. Нәтижесінде қылмыстық іске қатысты тергеу тараптардың татуласуына байланысты тоқтатылады", - делінген Полиция департаменті хабарламасында.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!