"Құдды бір қорқынышты фильм секілді". Абай облысындағы өрттің жантүршігерлік кадрлары
Әлеуметтік желіде Абай облысындағы өртке қатысты жантүршігерлік кадрлар тарады, - деп хабарлайды Massaget.kz тілшісі.
Бұл Талица мен Озерка ауылына жақын орналасқан Қаштақ маңындағы жағдай. Семейден 25 шақырым жердегі аймақ. Видеодан аспанды қалың, қызыл түтін басқанын көруге болады.
Ал бұл дүйсенбіде түсірілген кадрлар.
Мына кадрдан қызыл жалын жақындап келе жатқанын көруге болады.
Фото: Arbat.media
Бұл да Талица аймағында болған жағдай. Тілсіз жаудың тағы бір құрбандары - бұғылар.
Фото: ztb_qaz
"Өртсөндірушілер қандай жағдайда тілсіз жаумен күресіп жатқанын қараңыз. Бұл еңбектері үшін оларға орденді бумалап беру керек", - делінген Kozachkov offside Telegram-арнасындағы жазбада.
Бұл жантүршігерлік кадрлар Ахмет Чукеевтің Telegram-арнасында жарияланды.
Бұл құдды бір қорқынышты фильм кадрындай.
Фото: t.me/Chukeyev
Фото: t.me/Chukeyev
Посмотреть эту публикацию в Instagram
Еске салайық, бұған дейін "Семей орманы" аумағында өрт шыққаны хабарланған еді. Кейінірек Абай облысындағы орман өртінің аумағы 2 мың гектарға жетті. Сондай-ақ, үш ауылдың тұрғындары үйлерін тастап кеткені белгілі болды. Ал тұрғындар өртсөндірушілерді азық-түлікпен қамтамасыз етті.
"Батырлар арамызда". Желіде өртсөндірушілердің далада ұйықтап жатқан видеосы тарады
Абай облысындағы алапат өрт салдарынан орман шаруашылығының 14 қызметкері іздестірілді. Кейін оның үшеуі қаза тапқаны анықталды. Осы жағдайлардан кейін Семейде орман өртіне байланысты төтенше жағдай режимі енгізілді. Сонымен қатар, екі ауылға қауіп төніп тұрғаны хабарланды.
Мемлекет басшысы Қасым-Жомарт Тоқаев Абай облысындағы өртке байланысты Вьетнамға сапарын кейінге шегерді. Президент Абай облысындағы өртке байланысты Үкіметке шұғыл тапсырма берді. Үкімет басшысы да қарамағындағыларға бірқатар тапсырма берді.
Кейінірек орман өрті 60 мың гектарға жайылғаны белгілі болды. Осыған орай 7 учаскеде өрт сөндіру жұмыстары жүргізілді. Сондай-ақ, өрттен 11 адам өлі табылды.
Абай облысында өрт: қаза тапқандарға қатысты жаңа дерек айтылды
Абай облысындағы өрттен қаза тапқандардың толық тізімі жарияланды. Ал экология және табиғи ресурстар министрі Зүлфия Сүлейменова Абай облысындағы өрт кезінде қаза тапқан орман шаруашылығы қызметкерлерінің суретін жариялады.
Абай облысындағы өртте ерлігі мен жанқиярлығы үшін қаза тапқан 14 адам марапатталды
Абай облысындағы өрт ошақтарының басым бөлігі оқшауланды. Тоқаев Абай облысындағы өрт аумағын тікұшақпен аралап шықты.
Абай облысындағы өрт: әуеден 486 рет су төгілді
Президент Қасым-Жомарт Тоқаев "Семей орманы" табиғи резерватындағы алапат өрт салдарынан қаза тапқан орман шаруашылығы қызметкерлерінің отбасы мүшелері мен жақын туыстарына көңіл айтты. Мемлекет басшысы өрттен зардап шеккендерге өзі көмек беретінін мәлімдеді. Тұңғыш Президент Нұрсұлтан Назарбаев та Абай облысында өрттен қаза тапқан қызметкерлердің отбасына көңіл айтты.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина