Автобус жүргізушілері

Автобуспен жүрмегелі көп болды. Меніңше, автобус жүргізушілерін жұмысқа алмас бұрын психологиялық тапсырмалар беріп, олардың денсаулығын, біліктілігін тексеру керек. Менің әкем жас кезінде ( ол кезде кеңес заманы) автобус айдаған. Оның айтуы бойынша, оларды жұмысқа алмас бұрын, олар қиын тапсырмалар орындаған, бірқатар сынақтардан өткен. Сондай-ақ, олар белгілі бір форма киген, рейске отырмас бұрын медициналық тексеруден өткен. Қозғалыс басталғанда өзін таныстырған, жолаушылармен сәлемдескен. Міне, нағыз автобус жүргізушісі! Меніңше, бізге осындай талаптар ауадай қажет.