"Жүкті болған". Абай облысындағы өрттен қаза тапқан жалғыз әйел туралы жаңа деректер шықты

Ауыл тұрғындары алапат өрт кезінде Успенка орман шаруашылығының басшысы болған Мейрамгүл Жиенбаеваның өрт тұтанған сәттен бастап дабыл қаққанын жеткізді. Massaget.kz тілшісі марқұмның құрбысымен сұхбаттасты. 

"Филиал басшылығы бірінің артына бірі тығылып, кабинеттерінде жүріп күні бойы түк те істеген жоқ. Содан кейін марқұм Мейрамгүл қоңырау шалып, "7 шақырым қалды, 2 шақырым қалды" деп қайта-қайта дабыл қақты. Соңғы рет байланысқа шыққан кезде төбеден келетін өрттің ортасында қалғанын хабарлады", - деді Успенка ауылының тұрғыны Шолпан Кенжебаева.

Марқұмның артында күйеуі, 15 жастағы ұлы мен 5 жастағы қызы қалды.

Мейрамгүлдің құрбысы Шолпан оның жүкті болғанын айтты. Бородулиха ауданы бойынша бас дәрігер Айжан Амангелді жүктілігіне байланысты Мейрамгүлдің тіркеуге тұрып үлгермегенін, ондай ақпарат жоғын айтты. 

"Баламды тану мүмкін емес". Абай облысындағы өрттен қаза тапқан орманшының жақындары оқиға туралы айтты

Еске салайық, бұған дейін "Семей орманы" аумағында өрт шыққаны хабарланған еді. Кейінірек Абай облысындағы орман өртінің аумағы 2 мың гектарға жетті. Сондай-ақ, үш ауылдың тұрғындары үйлерін тастап кеткені белгілі болды. Ал тұрғындар өртсөндірушілерді азық-түлікпен қамтамасыз етті. 

"Батырлар арамызда". Желіде өртсөндірушілердің далада ұйықтап жатқан видеосы тарады

Абай облысындағы алапат өрт салдарынан орман шаруашылығының 14 қызметкері іздестірілді. Кейін оның үшеуі қаза тапқаны анықталды. Осы жағдайлардан кейін Семейде орман өртіне байланысты төтенше жағдай режимі енгізілді. Сонымен қатар, екі ауылға қауіп төніп тұрғаны хабарланды.

Мемлекет басшысы Қасым-Жомарт Тоқаев Абай облысындағы өртке байланысты Вьетнамға сапарын кейінге шегерді. Президент Абай облысындағы өртке байланысты Үкіметке шұғыл тапсырма берді. Үкімет басшысы да қарамағындағыларға бірқатар тапсырма берді.

Кейінірек орман өрті 60 мың гектарға жайылғаны белгілі болды. Осыған орай 7 учаскеде өрт сөндіру жұмыстары жүргізілді. Сондай-ақ, өрттен 11 адам өлі табылды.

Абай облысында өрт: қаза тапқандарға қатысты жаңа дерек айтылды

Абай облысындағы өрттен қаза тапқандардың толық тізімі жарияланды. Ал экология және табиғи ресурстар министрі Зүлфия Сүлейменова Абай облысындағы өрт кезінде қаза тапқан орман шаруашылығы қызметкерлерінің суретін жариялады.

Абай облысындағы өртте ерлігі мен жанқиярлығы үшін қаза тапқан 14 адам марапатталды

Абай облысындағы өрт ошақтарының басым бөлігі оқшауланды. Тоқаев Абай облысындағы өрт аумағын тікұшақпен аралап шықты. 

Абай облысындағы өрт: әуеден 486 рет су төгілді

Президент Қасым-Жомарт Тоқаев "Семей орманы" табиғи резерватындағы алапат өрт салдарынан қаза тапқан орман шаруашылығы қызметкерлерінің отбасы мүшелері мен жақын туыстарына көңіл айтты. Мемлекет басшысы өрттен зардап шеккендерге өзі көмек беретінін мәлімдеді. Тұңғыш Президент Нұрсұлтан Назарбаев та Абай облысында өрттен қаза тапқан қызметкерлердің отбасына көңіл айтты. 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!