Қуандық Бишімбаев Салтанат Нүкенова оның өміріне қауіп төндіргенін айтады, - деп хабарлайды Massaget.kz тілшісі.
Оның сөзінше, Бишімбаев Нүкеноваға "Атаракс" дәрісін берген. Себебі Салтанат "өзін ұстай алмай", көлік айдап келе жатқан Бишімбаевқа шабуыл жасауы мүмкін болған.
"Психиатрға маған Павлодардан Астанаға оралуым керегін айттым. Осы кезде Салтанатқа бір нәрсе беруім керек болды. Жолда жол апаты болып кете ме деп қорықтым. Ондай жағдайлар болған. Оны анам растай алады. Үнемі Салтанатқа дәрі ішіп алуды ұсынатынмын, оны бірге ішуді ұсынатынмын. Дәрінің екі қорабы біткеннен кейін ішпедік", - дейді Бишімбаев.
Бишімбаевтың сөзінше, оның бұл сөздерін туыстары растай алатын көрінеді.
Еске салайық, бұған дейінгі сот отырысында Салтанаттың Бишімбаевқа жазған хаты жария болған еді. Бишімбаевтың қорғаушылары марқұм Салтанат Нүкенованың Қуандық Бишімбаевқа жазған хатын оқып берді.
Сонымен қатар, Бишімбаев Нүкенова қайтыс болған түні не үшін көріпкелге хабарласқанын түсіндірген болатын.
3 сәуірде өткен сот отырысында Бишімбаев Салтанат қайтыс болған түн туралы мүлде басқа деректер айтқан болатын.
Сонымен қатар, Қуандық Бишімбаевтың қорғаушылары қылмысқа қатысы жоқ суретті көрсетіп, судьяны жаңылыстыра жаздады.
"Сотталушының телефоны". Бишімбаевтың сотында ұялы телефон шырылдады
Бишімбаев Салтанат көз жұмар алдында да жедел жәрдемге емес, балгерге хабарласқан
Өз-өзіме қол жұмсасам дұрыс болады деп ойладым - Бишімбаев
"Былай айт, былай айт" деп жатыр. Байжанов Бишімбаев өзіне қысым жасап жатқанын мәлімдеді
Сотта Бишімбаевтың Нүкенованы ұрып-соққан видеосы көрсетілді
Өзекті жаңалықтарды өз уақытында оқу үшін Facebook парақшамызға жазылыңыз!