Жалғас Жұмағұловтың UFC-дегі алғашқы қарсыласы кім?

Жалғас Жұмағұловтың UFC-дегі алғашқы қарсыласы кім?

Аралас жекпе-жек әлеміндегі беделді UFC ұйымымен келісімшартқа отырған Жалғас Жұмағұловтың қашан және кіммен жекпе-жек өткізетіні белігілі болды.

Жалғас Жұмағұлов UFC-дегі алғашқы жекпе-жегін 13 маусым күні Нұр-Сұлтан қаласында өткізеді. Қарсыласы америкалық Джордан Эспиноза болмақ. Ол мансабында 21 жекпе-жек өткізіп, жетеуінде жеңіліс тапса, 14 қарсыласын ұтқан. Өткен жылы UFC-ге келгелі тек бір кездесуінде қарсыласынан басым түссе, қалған екеуінде жеңіліс дәмін татқан.

Fight Nights Global ұйымының чемпионы Жалғас Жұмағұлов болса мансабында 16 жекпе-жек өткізген. Оның үшеуінде қарсыласы есе жіберсе, қалған он үш жекпе-жегінде жеңіске жеткен. Жалғас Жұмағұлов соңғы жекпе-жегін өткен жылдың қазан айында Fight Nights Global 95 турнирінде өткізді. Ол кезде Жалғас ресейлік Али Багаутиновты төрешілердің шешімімен жеңіп, чемпиондық белбеуін қорғап қалды.

 
 
 
Посмотреть эту публикацию в Instagram

Публикация от Arlan MMA Pro Team (@arlan.mma.pro)4 Мар 2020 в 12:53 PST

Жалғас Жұмағұлов UFC-мен келісімшартқа отырған екінші қазақстандық спортшы. Бұған дейін M-1 Global чемпионы болған Шавкат Рахмонов беделді ұйымның қол астына өткен. Ол 21 наурыз күні Лондон қаласында өтетін UFC Fight Night 171 турнирінде поляк Бартож Фабинскиймен жұдырықтасады. Сондай-ақ Жалғас Жұмғұлов ресейлік "Спорт-Экспресс" басылымына берген сұхбатында жақында командаласы Сергей Морозовтың да UFC-ге өтетін айтқан еді.

Бұған қоса Мария Агапова (8-1) UFC-мен келісімшартқа отырған тұңғыш қазқстандық спортшы қыз атанды. 22 жастағы спортшы соңғы жылы Invicta FC промоушенінде екі жекпе-жек өткізіп үлгерді. Қыркүйек айында америкалық Алекс Коннерсті (5-4) бірінші раундта жеңсе, қарашада Бразилия өкілі Марилия Сантосты (10-4) ұтты.

UFC (Ultimate Fighting Championship) – аралас жекпе-жектен әлемдегі ең беделді әрі танымал спорттық ұйым. Бас кеңсесі АҚШ-тың Лас-Вегас қаласында орналасқан. Бүгінде UFC-дің кез келген жекпе-жек кеші әлемнің түкпір-түкпірінен жүздеген телеарна арқылы миллиондаған жанкүйер жинайтын ауқымды шараға айналған. Кәсіпқой ережесіз жекпе-жек шеберлері осы ұйым аясында бақ сынауды мақсат тұтады.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Қазақстан egov дамуының әлемдік рейтингінде 10 саты жоғарылады
Қазақстан egov дамуының әлемдік рейтингінде 10 саты жоғарылады
UFC 251. Жалғас Жұмағұлов жеңіске жете алмады
UFC 251. Жалғас Жұмағұлов жеңіске жете алмады
5G жайлы 5 миф
5G жайлы 5 миф
Жалғас Жұмағұловтың UFC-дегі алғашқы жекпе-жегін қайдан көруге болады?
Жалғас Жұмағұловтың UFC-дегі алғашқы жекпе-жегін қайдан көруге болады?
Бауырдың қабынуы
Бауырдың қабынуы
Айдын Рахымбаев коронавирус жұқтырғандарды тегін емдейтін орталықтар ашпақ
Айдын Рахымбаев коронавирус жұқтырғандарды тегін емдейтін орталықтар ашпақ