Жаңаөзен әкімі Бекзат Нұрдәулетовке көлік кілтін табыстады

Жаңаөзен әкімі Бекзат Нұрдәулетовке көлік кілтін табыстады

Жаңаөзен қаласы әкімдігі мен "Өзенмұнайгаз" АҚ бокстан әлем чемпионы Бекзат Нұрдәулетовке Toyota Camry 70 маркалы автокөлік сыйлады.

Жаңаөзен қаласының әкімі Мақсат Ибағаров чемпионды құттықтап, ата-анасына алғысын білдірді. Өз сөзінде қала әкімі спортшының бапкерлерін атап өтіп, олардың Бекзат Нұрдәулетовтің әлем біріншілігінде жеңіске жетуінің басты себепкерлері екенін айтты. Сондай-ақ мерекелік шараға қатысқан қалалық мәслихат хатшысы Сақи Мыңбай мен "Өзенмұнайгаз" АҚ транспорт жөніндегі басқарушы директор Айтқали Бәшенов құттықтау сөзін сөйлеп, спортшыға алдағы уақытта өтетін спорт бәсекелерінде сәттілік тіледі.

©zhanaozen.gov.kz

Осыған дейін Маңғыстау облысының әкімі Серікбай Трұмов Бекзат Нұрдәулетовке Ақтаудан 2 бөлмелі пәтердің кілтін табыстаған болатын. Бұдан бөлек Серікбай Трұмов Бекзат Нұрдәулетовтің жас кезіндегі бапкері Батырбек Жайлыбаевқа 3 миллион теңге және Марат Жәкиевке 5 миллион теңгенің сертификатын табыстады.

Әлем біріншілігінде 81 килоға дейінгі салмақта сынға түскен Бекзат Нұрдәулетов финалда өзбек боксшысы Дилшодбек Рузметовті жеңіп, топ жарған еді. Әлем чемпионатын алғашқы айналымнан бастаған боксшымыз барлық қарсыласын айқын ұтып шықты. Финалдың жолдамасы үшін өткен жеке-жекте Олимпиада чемпионы, әлем чемпонатының төрт дүркін чемпионы Хулио Сесар Ла Крустан басым түсті. Тіпті қарсыласын бір рет нокдаунға да түсірді.

Бекзат Нұрдәулетов 1998 жылы Ақтау қаласында өмірге келген. 2016 жылы Ресейде өткен жастар арасындағы әлем чемпонатының қола жүлдегері. Шілде айында өткен Қазақстан Президентінің Кубогында финалда Ерік Әлжановқа есе жіберіп, күміс жүлде алған. 

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Артем Резников азулы ресейлік файтерді жеңді
Артем Резников азулы ресейлік файтерді жеңді
Әлемдегі ең қауіпті елдер
Әлемдегі ең қауіпті елдер
2020 жылғы "Болашақ" стипендиясы иегерлерінің тізімі жарияланды
2020 жылғы "Болашақ" стипендиясы иегерлерінің тізімі жарияланды
НАСА тіршілік іздерін іздеу мақсатында Шолпан планетасына зонд жібермек
НАСА тіршілік іздерін іздеу мақсатында Шолпан планетасына зонд жібермек
Итбегілік өнері ресми спорт түріне қосылуы мүмкін
Итбегілік өнері ресми спорт түріне қосылуы мүмкін
Қазақстандық оқушылар үшін тегін онлайн шахмат мектебі ашылды
Қазақстандық оқушылар үшін тегін онлайн шахмат мектебі ашылды