Промоутерлер Ербосынұлының болашағына қатысты мәлімдеме жасады
Фото: 24.kz

Промоутерлер Ербосынұлының болашағына қатысты мәлімдеме жасады

Suleimen Promotions промоутерлік компаниясы титулды айқаста кубалық Давид Моррелден (8-0, 7 КО) нокаутпен жеңілген Айдос Ербосынұлының (16-1, 11 КО) болашағына қатысты мәлімдеме жасады, - деп хабарлайды Vesti.kz.

Суперорта салмақта WBA World белбеуі үшін 12 раундты айқас АҚШ-тың Миннеаполис қаласында өтті. Моррел Айдосты 12-раундта ауыр нокаутқа түсірді. 

"Өкінішке қарай, батырымыз Айдос Ербосынұлы WBA дің чемпиондық белбеуі үшін таласта қарсыласы Дэвид Морреллден жеңіліс тапты. Бастапқы 11 раундта қос боксшы ашық, тең дәрежедегі жекпе-жек көрсетті. Алайда 12 раундта Айдостың көзінен алған соққысы жекпе-жектің нокаутпен аяқталуына сеп болды. 
Дегенмен Айдос бұл жекпе-жекте қарап қалған жоқ, өзінің нағыз батыр, ержүрек екенін дәлелдеді. Бұл отандасымыздың үлкен жолға деген сапарының соңы емес, әлі де үлкен жеңістерге жететінімізге сенімдіміз. Айдос әлі-ақ төрткүл дүниеге өзін дәлелдейтін болады. Жеңіс бар жерде жеңіліс бар. Жарқын күндер әлі де алда. Айдос біз үшін чемпион. Солай болып қала да бермек. Барша тілеулес болған жандарға ерекше алғыс білдіреміз", - делінген хабарламада.

Посмотреть эту публикацию в Instagram

Публикация от Suleimen Promotions (@suleimen_promotions_official)

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

С. Бөлек