Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Дəстеберен

Дəстеберен

Дəстеберен

    Туылған күнімнен кейін қаншама күндерді артқа тастап, ақырында он алтыға келіп,  дəстебереніме суретке түскелі келдім. Өз шаруаларымен, күйбең тіршілік қылып жүрген адамдар, тіршілік қамымен əрлі-берлі өтіп жатыр, өтіп жатыр. Үстіме киетін киім таба алмай, Әпкемнің алдында  қызғылт гүлдері бар жібек ақ кофтасын кие салдым. Өзім белдемше кигенді жаным сүйетіндіктен, оған қоса Меңтайға ұқсағым келгендіктен бе, қара белдемшемді кидім. Аяғымда баяғы Түркістаннан келген ақ макасиім. Алдымыздағы қабырғаға ілген кішігірім экраннан «0342» деген номерді атағаны сол -ақ еді, мама атып тұрып үшінші нөмерлі үстелге жақындады. Он алтыға келсем де алтыдағы балаша мамамнан көз жазып қалатындай мен де артынан ердім. Устелдің басында отырған ұзын бойлы, ірі денелі, тепсе темір үзетін сопталдай жігіт, үстіне киген шатырдай аппақ көйлегімен үйлестіре таққан мойнындағы галстүгін бір сипап қойып, ауызы жыбырлап бірденелерді судыратып айта жөнелді. Мен оның сөздеріне мəн бермедім, оның орнына, жігіттің қасына қатарласа 4-ші үстелге жайғасқан орыс өңдес ақсары арықша келген жас қызға қарап қалдым. Қарауымның себебі де бар еді: оның қазақшаны судыратып, құдды бір оқушыға диктант жазғызғандай болып қасына келген егде жастағы домалақ еркеке тəтпіштеп  арыз жаздырып отырғаны. Орыс қыздың қазақтар білмейтін қазақшаны судыратып отырғанына таңданбасыма болмады. Оның үстіне «сызқша қойып астына «-ның» деп жазыңыз» деп жұмсақ қана үн қатқанын естігенде оның сауаттылығымен қатар, жан сұлулығына, сондай сабырлылықпен жұмысын адал атқарып отырғанына риза болдым. Алдына таңертеңнен кешке шейін қаншама адам келіп, өзінің папка толған құжаттарын баттастырып жатса да сабыр сақтап, ибалы жүзімен алдына келген кісілерге күле қарағаны тəнті етті. Бір кезде əлгі орыс қыз:
 
-         Құралай, кел,-деді. Мен қымсына орнымнан көтеріліп, мамама қарадым.
Ол да бар дегендей ернін жыбырлатып, басын изеді.
      -  Осында отырайын ба?- деп орыс қазға сұраулы жүзбен қарадым.Бетін маған жалт бұрып , отыратынымды айтты. Орыс қыз алдымда қақшиып тұрған фотоаппаратты қалыпқа келтіріп, өз алдындағы компьютердің экранын маған қарата бұрды. Бір нəрсені қайта-қайта шұқылап, орнынан əлсін-əлсін көтеріліп, фотоаппараттың төбесін саусағымен басып кеп қалад.
       -   Құралай, отыра тұр, база  істемей жатыр,-деді маған бұрылып. Жүзі сондай жылы, жылы жүзі менің езуімді сəл тартып кетті. Бұл менің «ия» деген сөзім болатын. Құр отырмай айналама жалтақтап қарай бастадым, бəрі жұмыс жасап жүр, тық-тық етіп пернетақталдың теріліп жатырған дыбысы естіледі. Мамама қарасам өзіне «ұстай тұр» деп тастап кеткен  соткамды қопарып отыр екен. Көзім жылжып келіп алдымда отырған 3 үстелдегі жігіт пен орыс қызға келіп тоқтады. Əлгі жігіт қыздан бір нəрсені сұрап жатып аздап айқайлап қояды, дауыстап емес əрине, қазақ жігіттерінің қабағын шытқанының өзі ашуланғанын білдірмейме.  Сөз арасында Арай деп те қояды, сөйтсем орыс деп отырған қыздың түрі болмаса, əдемі есімі де, есіміне сай мінезі де қазақтығын   танытып отырғанын енді ұқтым. Өзіміздің қазақ қызы екен. Əлгі жігітпен бетпе-бет сөйлесіп отырған Арай, бетін бұрып іске келмей тұрған компьютерін шұқый бастады. Бері бұрылған бетінен аздап реніш аралас ашудың ізі байқалғандай болды. Ішімнен "қап, енді қазір ашуын менен алып жүрмесін" деп қоям. Бір кезде компьютерден менің бейнем шыға келді, бұл оның жұмыс жасап тұрғанын білдірсе керек, қыз орнынан тұрып басымды жəймен қозғай бастады. Жүрегім дүрс ете түсті, құдды бір мені жұлқылап, қалай болса солай суретке түсіріп, жиырма бес жасыма дейін ұсқынсыз дəстеберенмен жүрем бе деп жаным қалмады. Алайда, қазақ қызы Арай мені тіптен таңдандырды. Жылы шыраймен иығым мен басымды түзеп, əдейілеп өрген қос бұрымымды түзулеп, əп-əдемі етіп  шық еткізіп түсіріп берді. Алдындағы орындықты нұсқап, отыруымды сұрады. Отырдым. Алдыма бір нəрсені жылжытып "қол қойя ғой" деді . Шимайлап өзімше қолымды қойдым. Тағы қағаздар толтырып, он бес күннен кейін əкете алатынымды айтып қолыма құжаттар берді. Орнымнан тұрып жатып жүзіне қарадым, езуі оюдай оралып жымиып  тұр екен...



0
Рейтинг: +0

Автор: KHALISA
Жазылған уақыты: 21 қазан 2018, 19:10

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.