Ашық алаңдағы, БАҚ-тағы пікірталас бәсекелестігі
жеке
блог

Ашық алаңдағы, БАҚ-тағы пікірталас бәсекелестігі

Пікірталас. Жан-жақты көзқарас... Әлемді ақпарат билегелі қоғамның өзекті тақырыбына айналғаны анық. Ақпарат бар жерде пікірталас қатар жүреді. Бөліп айыруға келмес. Пікірталас- жолы жоқ саңылау мен шешімі табылмай шырмауықша шырмалған көкейтесті мәселелерді ортаға салу, сараптау. Дәл осы пікірталастың қоғамға қажеті ауадай. Дамыған озық елдермен тереземізді теңдеп, керегемізді кеңдеу үшін түлкіше дүние бетін жылтыратпай шынайы іске кірісу үшін керек-ақ. Қатпар-қатпар мәселелерді біржақты еткен ашық алаңдағы пікірталас бәсекелестігі қалай жүргізіледі? Әдеп критерийлері қандай?
«Тіл қылыштан өткір, найзадан үшкір». Адамның пікірталастағы басты құралы шешенше сайраған тілі мен көсемше айтқан аузы дуалы сөздері. Өтімді және мағыналы сөз тұлғаның білім көкжиегі мен парасат биігін, болмыс бітімін танытып тұрады. Оның өзі де сөзі де сыйлы. Жансақ айтылған пікір иесі өзін өзі қылышпен осып өткендей күй кешеді. (Аңдамай сөйлегеннің арты өлім). Қазіргі заман келбетінде БАҚ-тағы пікірталас бәсекелестігі жетерлік. Неге екенін қайдам бірақ бәсекелес жүргізген телебағдарламаларды көрсем «хайптың» иісі мұрныма келеді. Рейтинг үшін құлдық ұрған бағдарламалардағы дүния бәсекелестік деуге келмес. Ол талас тартыс, дау жанжал. Ондағы мәселенің түйіні де шешілмейді. Ең таңқалдырарлығы мәселені майшаммен қарауға келген сарапшылар болсашы олардың орнында әлеуметтік желі, шоу бизнес жұлдыздары бой көрсетеді. Өз ісінің білгірі шын жанашыр маманың ойына, өзіне зәру боласың. Ортаға салынған проблема майдаланып кеткен. Арналардағы көрсетілімдер халық игілігі үшін шешілуі керек мәселе емес, жеке отбасылық «кухняға» араласушылық, жеке басқа қол сұғушылық болып бара жатқандығы қынжылтады. Бір бағдарлама сап ете қалды. «Ашық алаң» деп Мақсат Толықбай пікірталасты дода өткізді десем де артық етпес. Мәселелер майшаммен қаралып, соның төңірегіндегі адамдар топтастырылды. Біршама проблемалар түйіні шешілді десем де болады. Көкпарға салынған серке қазанға дөп түсіп жүрді. Бірақ, бір күні «ашық алаң» сахнасында төбелескен шенеуліктерді көзім шалды. Орны толмас ағаттық болды. Сахнадағы әдеп деген болады. Дәл осы шығарылымнан кейінгі жалғасынан енді көзім жетті. Бір сарапшының сөзі аяқталмай қосарлана сөйлеу, келіспеушілік, айғай да қосыла кетеді екен. Көбінесе көпшіліқ алдында сөйлеп тұрғанын еске алмай аудиторияны сыйламау белең алды. Сахна алдындағы тәртіп бар. Әдеп сақтау кез келген пікірталасты ортадағы тұлғаның бойында болуы керек деп ойлаймын. Жаңағы сөз еткен «рейтингтің құлы» болған көгілдір экрандағы дау дамай да әдептің ұмытылғандығын аңғартады. Бірақ бұл БАҚ-тағы жағдай барлық ортада кездеседі деген сөзім емес!