Оқи отырыңыз

Қазақ кедейлікке көмбіс, байлыққа шыдамайды екен.

Автор: Сатыбалды Нарымбетов

— Редактор бағаны —

Бір жылдан кейін орындалған аманат...
Бір жылдан кейін орындалған аманат...

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Бір жылдан кейін орындалған аманат...

Бір жылдан кейін орындалған аманат...

Бір жылдан кейін орындалған аманат...

«Академиктің көз жасы» жайында тұңғыш өткен жылы Нұрсерік Жолбарыс ағамнан естідім. Бас қалаға барған сол сапарымда Нұрекеңмен жүздесіп, жақынырақ танысудың сәті түсті. Әңгіме Әлиханнан басталып, елдегі өзгерістер, музей ісі, Массагеттің жұмысы, қойшы әйтеуір, біраз тақырыптың басын қайырып, ақырында соңғы оқыған кітаптарға келіп қалса керек. Нұрекең «Академиктің көз жасына» арқау болған қазақтың біртуар азаматы, ғалымы Қаныштың талан-таражға түскен өмірі, көрген қиыншылығы, қысқаша айтқанда, «көз жасы» жайлы Қабдештің тілімен әңгімелеп отыр екен. «Есіктен Алтын адамды тапқан Кемел Ақышевты білесің ғой, сол Қаныштың туған әпкесінің ұлы екен. Ашаршылықта қайтыс болған әпкесінен қалған екі ұлын бір туғанының аманатына балап, Қаныш бағып алған екен» деді. Бұл деректі хикаятты жақында ғана оқып тауысқан болса керек, сондай бір ерекше сезіммен таңдана баяндағаны әлі есімде. Қазір ойлап қарасам, 63 беттік хикаяттың берер әсері енді сұмдық екен... Оны бүгін түсіндік қой. Қысқасы, «қалайда уақыт тауып оқып шық» деді, Нұрекем сөзін түйіндеп.

Ой-пой, бірақ, мен де бір «мықтымын» ғой, екі бетім бүлк етпей, ағамның «сол повесті бір парақтап шық» деген аманатын тұп-тура бір жыл арқаладым... Басында кәдімгідей, сол кітапты іздестіргендей болып жүрген едім. Кейін қалай ұмыт болғанын, білмеймін?... Әсілі, мына ағыны қатты ақпараттық заманда ойға алған істі бір күннен ары кешіктіргенің, шаруаңның біткені екен ғой...

Кім біледі? Сол хикаятты ақ параққа түсірген Қабдеш Жұмаділов «АЙНА»-ға қонақ болып келмегенде, мен қара тұлпарыммен қазақтың дара қаламгерін үйінен редакцияға, редакциядан үйіне тасымағанда, жазушы үйіне кіргізіп аталған кітапқа қолын қойып, тілек жазып өзі ұсынбағанда ағамның (Нұрсерік) аманатын тағы қанша жыл мойныма жүк қыларым бір Құдайға аян. Сөйтіп, бір жыл уақыт таба алмай жүрген 63 беттік деректі хикаятты бірнеше сағатта-ақ тәмәмдап тастадым...

Бірнеше сағатта бала Қанышпен қара тайға міңгесіп, Баянауылды араладым. Екеуміз бірге Жезқазғанның мысын іздеп, кен қопардық. Сталинге хат жаздық. Ғылым академиясын құрдық. Елдің қошеметіне де, қиянатына да тойдық... (деп бәрін тізбектеуге болар еді. Бірақ, мен «спойлер» емеспін) Сапардың соңғы бекетіне келгенде Сәтбаев көшесінің Академик атына берілген университет орналасқан тұсына таяғанда Қазақтың Қанышы менімен қоштасып, еріксіз көз жасын тағы бір сығып алды да, ғарышта күн жүйесін шыркөбелек айналған «Сәтбаев ғаламшарына» ұшып кетті. Мен қол бұлғап қала бердім...

P.S.: Қабдеш Жұмаділов Массагет редакциясына келіп, «АЙНА» бағдарламасына қонақ болды. Жазушы барлық сұрақтарға көсіле, шешіле жауап берді. Сұқбатымыз 1 сағаттан асып кетті. «АЙНА» -ның хронометражы 15-20 минут. Түгел берсек, форматтан ауытқимыз. Екінші жағынан классиктің сөзін қию – үлкен күнә. Сонымен, ақылдаса келе «АЙНА»-ның бұл санынан 2 бөлім жасаймыз деген байламға келдік. 1- бөлім бүгін шығады. Сағат 17.00-де.

460 5
Рейтинг: +3

Фото:
massaget.kz
Жазылған уақыты: 28 маусым, 16:28
Тегтер: Ербол Молдажан, Академиктің көз жасы, Қабдеш Жұмаділов
Пікірлер
+2
30 маусым, 09:43

Әй, жарайсыңдар, Нұрекең жақсы жол нұсқапты. Ал Қабдеш Жұмаділов жауап берген "Айнаның" екінші бөлімін күтіп отырмын.

+0
18 шілде, 10:25

Рақмет, Ареке! Мен пікіріңізге жауап беремін дегенше, 2-ші бөлімі шығып, сіз көріп қойдыңыз деп ойлаймын:) Ертең "АЙНА" алдынан Ақберен Елгезекті көре аласыз. Сізді Ақберен аға ақын, тұлға ретінде қызықтыра ма?

+0
19 шілде, 11:05

Мен де кеш жауап беріп жатырмын) Иә, мықты ақын ғой

+1
12 шілде, 19:00

Қандай бақыттысыздар! Қабдештей атамызды көру әрі тілдесу әр адамға беріле бермейтін бақ. "Айнаның" Қабдеш ата жайлы бөлімін көріп шығып, тура бір кітап оқығандай сезімде болдым. Ал "Академиктің көз жасы" кітабын қайдан алсам екен? Оқуға ниетім бар...

+0
18 шілде, 10:22

Менде бар. Қазір бір әріптесім оқып жатыр. Оқып бітірген соң, мен бере тұрайын...

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев

Хён/ Аға/ Brother
Хён/ Аға/ Brother

Ел: Оңтүстік Корея Жыл: 2016 Режиссер: Квон Су Гён  Сценарийін жазған: Ю Ён А  Аударған: Ғалымжан Сәңкібаев Басты рөлдерде: ДИО (Exo тобының әншісі) мен Чо...

Елес ерткен
Елес ерткен

Түпнұсқа атауы - Sen to Chihiro no kamikakushi Орысша атауы - Унесенные призраками Мемлекет: Жапония Жылы: 2001 Түрі: аниме Режиссері: Хаяо Миядзаки Жанры: шытырман...