Өмірдің өзі..
жеке
блог

Өмірдің өзі..

"Өмір" Алланың адамға арнаған ең үлкен сыйы.                                                           

    Өмір жайлы сұрай берме сен менен,                                                                             

    Өмірді мен әлі зерттеп көрмеп ем...                                                                                    

Өмір жайлы білгің келсе, қартқа бар,                                                                                      

    Қан майданнан жалғыз ұлы келмеген...                                                                       деп ақиық ақын Мұқағали Мақатаев жырлағандай, өмір жайлы жыр жазу үшін де өмірлік тәжірибе қажет. Өмірлік тәжірибе бәрінде болмақ емес. Уақыт өте, жас келе, өмірді сүре келе жалғанның жай жапсарын, ой-қырын, кедір-бұдырын тереңірек түсінесің. Жеңілістен жығылып, жеңіспен жігерленесің.                                                                                                                      

"Мәңгі сені жазбаған сүрінуге,
Қайта тұрып, қақың бар жүгіруге" демекші, жығылғанды жеңілдімге балауға болмайды. Әрбір сүрінген сәтің жеңісті күндердің үлесі. Ал мен үшін өмір ұғымының айқындамасы қандай? Өмір-шегі болса да, шексіздей көрінетін арпалыс алаңы.  Тамақтануға, оқуға, киінуге, дене шынықтыруға, қатарыңнан қалыс қалмауға деген ұмтылыс. Ұмтылыс барысында ұтылыс та, ұтыс та болады. Дегенмен, оны өз мойныңмен көтере білу, сана сезіміңмен ұғыну, мойындаудың өзі батырлық. "Қорқа, қорқа батыр боласың" демекші, өмірді сүре келе, оны дұрыс қабылдау арқылы нағыз майталманға айналасың.