Әйгілі футболшы Криштиану Роналду спорттық мансабын аяқтағаннан кейін біржола сән әлеміне мойнын бұрмақ. Бұл туралы спортшы батыстық басылымдардың біріне берген сұқбатында айта кетті.
- Маған сән әлемінде жүрген ұнайды. Ылғи соңғы сән үлгісімен киініп, көрікті болып жүргенге не жетсін. Тіпті, шаштың өзі сәндесең ғана жарасады.
Өзімнің жеке брендім барына қуанамын. Бұл – өте керемет, жеке брендім өзіме ұнайды. Оны одан ары дамытқым келеді. Спорттық мансабымды аяқтағаннан кейін осы сән әлеміне біржола келемін деп ойлаймын, - деді.
Айта кетейік, Роналду мен мадридтік «Реал» арасындағы келісімшарт мерзімі 2018 жылы аяқталады. Ал футболшының өзі әлі 5-6 жыл футбол ойнауға шамасы жететінін осыған дейінгі сұқбаттарының бірінде айта кеткен болатын.
О. Сансызбай