Әйнектен жасалған қыл көпір

04 маусым 2014, 09:52

Осы күнге дейін экстремалдық орын ретінде «Walk Titlis Cliff» көпірі мойындалған еді. Мұны аз көрген Қытай халқы оның әйнек түрін жасаған екен. Мұндай өзгеше көпір Тяньмэнь тауында орналасқан. Бұл көпірмен жүріп өту арқылы жарты шақырымдық биіктікті бағындырасыз. Ұзындығы 60 метр болатын көпір мықты шыны әйнектен жасалған.

Аталған көпірдің үстіне шықсаңыз, таңғаларлық әсем көріністі тамашалайсыз. Әйнек көпір жердің төменгі нүктесімен салыстырғанда 1430 метр биіктікте салынған.

Ал осы көпірдің үстінен жүріп өте аласыз ба? Жауап бермес бұрын көпірді қытайлықтар жасағандығына назар аударыңыз да, ойланып көріңіз.

Басшылық әдетте үстінен жүріп өтушілерге аяқ киімін ауыстырғызады. Мұндағы мақсат – әйнекті бүлдірмеу. Бұл жерге келуші туристердің саны өте көп. Мұнымен қатар көпірдің жанында биіктігі аспанға екі елі ғана жетпейтін арқан бар.

Экстрималды спорт түрімен айналысу себебі әр түрлі. Біреулер өмірлеріне қауіп төндіре отырып, қатты әсер алғысы келеді, екіншілер шиеленісті сәттерге жандары құмар. Экстремалды спорт түрімен айналысуының тағы бір себебі – аудиоагрессияның көрінуі.