Әлемдегі ең керемет шамшырақтар

Фото: adme.ru

28 наурыз 2016, 12:15

Шамшырақ (маяк) – кемелердің жолын көрсетіп тұратын, теңіз жағасындағы белгі беру шамдары орнатылған биік мұнара. Шамшырақ жарықтауыш оптикалық жүйелермен және әр түрлі сигнал беруге арналған техникалық құралдармен:
акустикалық (наутофон, диафон, сирена, су асты қоңырауы, осциллятор),
радиотехникалық (радиошамшырақ) және радиоакустикалық аппараттармен жабдықталады.

Шамшырақтарды бір-бірінен оңай ажырату үшін олардың әрқайсысына өзіне тән сигнал беретін құрал-жабдықтар орнатылады. Олар біздерге ежелгі заманнан белгілі. Мысалы, б.з.б. 283 ж. ақ мәрмәрдан салынған, әлемнің жеті кереметінің бірі атанған Александрия шамшырағы (биіктігі 143 м) 1500 жыл қызмет атқарған. Бүгінде ол қызметін тоқтатқанымен, таңғаларлық ескерткішке айналған. Назарларыңызға әлемдегі керемет шамшырақтарды ұсынамыз.