Майк Тайсон қазақстандық боксшының жекпе-жегін тамашалайды

Әйгілі боксшы Майк Тайсон Өзбекстан елінің астанасы Ташкентке келді. Ол көршілес елде өтіп жатқан WBC конвенциясы жабылу кешінің құрметті қонағы болады. Сондай-ақ бокс кешіне қатысады. 

Ташкент төріндегі бокс бәсекесінде отандасымыз Мейірім Нұрсұлтанов шаршы алаңға көтеріледі. Ол чилилік боксшы Хулио Аламоспен жұдырықтасады. Олардың кездесуі WBC тұжырымы бойынша әлем чемпионы атағы үшін жекпе-жекке жолдама болмақ. Ал бұл салмақта WBC чемпионы атағы Джермалл Чарло еншісінде. Америкалық боксшы 2 жылдан бері жекпе-жек өткізген жоқ. 25 қараша күні отандасы Хосе Бенавидеспен (кішісі) қолғап түйістіреді. 

Мейірім Нұрсұлтанов пен Хулио Аламос арасындағы жекпе-жек 12 раундқа жоспарланған. Бокс кеші 17 қараша күні кеште өтеді.

Аптаның басты оқиғалары мен пайдалы видеоларды көру үшін YouTube арнамызға жазылыңыз