Әйгілі ресейлік әртіс Петр Момоновтың өмірлік ұстанымдары

Петр Момонов — орыстың әйгілі әртісі, ақын, музыкант. Ол қалың көпшілікке «Шапито-шоу» философиялық кинокомедиясы арқылы жақсы таныс. Бүгін біз сіздерге Петрдің өмірлік ұстанымына айналған ой-пайымдарын назарларыңызға ұсынғымыз келіп отыр.

* Әңгімелесушіңіздің көзіне тура қараңыз.

* «Мен сені сүйем» деп, толық сенімді болмасаңыз да жиі айтыңыз.

* Ешкімді ренжітпеңіз және ешкімге ренжімеңіз.

* Әрқашан жаныңызға жақын әуендерді тыңдап, сүйікті әншіңіздің ән кешін жіберіп алмаңыз.

* Ешқашан ешкімге ұрыспаңыз, талғамын талқыға салмаңыз.

* Күлімсіреп ұйықтаңыз.

* Достарыңызды туған күнімен құттықтауды ұмытып кетпеңіз.

* Құдайға ғана құлшылық қылыңыз.

* Түкке тұрғысыз адамдарға уақытыңызды құртпаңыз.

* Тума-туыс, ағайын-бауырларыңызға сыйлық жасаудан жалықпаңыз.

* Ата-анаңызға жиі хабарласып тұрыңыз.

* Өмір курорт емес екенін естен шығармаңыз.

* Күлкіге қалам деп қорықпаңыз.

* Ғашығыңызды ойлаңыз.

* Білгеніңізді білмегендерге үйретіңіз.

* Сақал өсірсеңіз қырынып, жоқ болса өсіріп көріңіз.

* Күні-түні теледидар қарамаңыз.

* Өзгелердің өзіңізге қамқор болуына мүмкіндік беріңіз.

* Қандай жағдай болса да, әділ шешім қабылдаңыз.

* Өзіңіз шын сүйетін адаммен ғана бірге болыңыз.

* Өлімнен қорықпаңыз, бірақ жақын адамдарыңызды жоғалтудан сақтаныңыз.

* Балаларды қатты жақсы көріңіз.

* Өз-өзіңізге сеніңіз.

* Ата-анаңыз бен дәрігерлерге ешқашан өтірік айтпаңыз.

* Жеңіле де біліңіз. Өйткені өмір тек жеңістен тұрмайды.

* Достарыңызды суретке түсіріңіз.

* Өзге адамдардың ойын сынамаңыз.

* Басқа адамдар жайлы теріс пікір айтпаңыз.

Петр Момоновтың бұл қағидалары сізге қашанда көмектесетініне кәміл сенімдіміз. Ең бастысы естен шығармаңыз.