Премьер-министр Бектенов Астанадағы Ресей Федерациясы елшілігіне барды
![Премьер-министр Бектенов Астанадағы Ресей Федерациясы елшілігіне барды](/userdata/news/news_103822/image_l.jpg)
Қазақстан Республикасының премьер-министрі Олжас Бектенов Астанада Ресей Федерациясының елшілігіне барып, көңіл айту кітабына жазба қалдырды, - деп хабарлайды Massaget.kz тілшісі Үкіметтің баспасөз қызметіне сілтеме жасап.
Қазақстан Республикасының премьер-мМинистрі Олжас Бектенов Астанадағы Ресей Федерациясының елшілігіне барып, Мәскеудегі "Крокус Сити холл" ойын-сауық кешенінде жасалған лаңкестік әрекетке байланысты көңіл айту кітабына жазба қалдырды.
@KZgovernment
Бұған дейін Қазақстан Үкіметінің басшысы Ресей Үкіметінің төрағасы Михаил Мишустинге және қаза тапқандардың отбасыларына көңіл айтып, қолдау білдіретіні туралы телеграмма жолдаған болатын.
Еске салайық, 23 наурызға қараған түні Ресейлік Telegram-арналар мен БАҚ-та Мәскеуде теракт болғаны туралы ақпарат тарады. Атыс кезінде ғимаратта 6200-ге дейін адам болуы мүмкін – сол күні болуы керек концертке билеттер түгелге жуық сатылып кеткен. Соңғы мәліметтер бойынша, 133 адам қаза тауып, тағы 140 адам жараланған.
Ақорда Мәскеудегі терактіге байланысты мәлімдеме жасады
Артынша Мәскеудегі терактінің хронологиясы жарияланды.
Instagram парақшамызға жазылып, ең қызықты ақпараттарды бірінші болып оқыңыз!
Д. Шәріпхан