Мәжіліс сайлауы: ОСК қорытындыны жариялады
![Мәжіліс сайлауы: ОСК қорытындыны жариялады](/userdata/news/news_80463/image_l.jpg)
Бүгін 19 наурызда өткен Парламент Мәжілісі депутаттарын кезектен тыс сайлау қорытындыларын анықтау туралы Орталық сайлау комиссиясының отырысы өтті, - деп хабарлайды Massaget.kz тілшісі ведомствоның баспасөз қызметіне сілтеме жасап.
"Партиялық тізімдер бойынша, дауыс беру қорытындыларына қарай депутаттық мандаттарды бөлуге 6 саяси партия жіберілді. "Байтақ" жасылдар партиясы 5 пайыздық кедергіні еңсермеуіне байланысты мандаттарды бөлуге қатыспайды", - деді ОСК төрағасы Нұрлан Әбдіров.
Депутаттық мандаттар бөлініс нәтижесі:
Amanat партиясы - 40;
"Ауыл" партиясы - 8;
"Ақ жол" партиясы - 6;
Қазақстан халық партиясы - 5;
Respulica партиясы - 6;
Жалпыұлттық социал-демократиялық партиясы - 4.
Еске салайық, Қазақстанда 19 наурызда Мәжіліс және мәслихат депутаттарын сайлау өтті. Бұған дейін Орталық сайлау комиссиясы Мәжіліс сайлауының алдын ала нәтижелерін жариялаған еді.
Өңірлерден жедел деректер бойынша сайлаушылар тізіміне 12 035 578 азамат енгізілді, дауыс беруге 6 366 441 азамат қатысты.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек