Елбасына латын әліпбиіне байланысты ашық хат жолданды

Елбасының "Болашаққа бағдар: рухани жаңғыру" мақаласында көрсетілген, 2025 жылға дейін латын әліпбиіне өту мәселесі жыл бойына қызу талқыланып, толыққанды бір шешімге келмегені белгілі. Соңғы шыққан нұсқасын қабылдағанымен, ел арасында дау туып, ол да уақыт еншісінде қалған болатын. Ал біздің ғалымдар осы жолы тағы бір үлгісі ұсынып, тікелей елбасына ашық хат жолдаған. 

Қазақстан «Ғалымдар одағының» мүшелері  2017 жылдың 26 қазанындағы қазақ тілі әліпбиін кириллицадан латын графикасына көшіру туралы жарлыққа қатысты ҚР президенті Нұрсұлтан Назарбаевқа ашық хат жолдады. ҚР президентіне жолданған Ашық хат мәтіні мынадай:

Хат мәтінінде "қоғам жұртшылығының пікірлерін ескере отырып, латыннегізді әліпбидің жаңа Жобасын жасау, тиімділігін дәлелдеу, оның ғылым-практикалық негіздемелерін қалыптастыру және негізгі идеяларды талқыға ұсыну - негізгі міндет" екені айтылған.

Осылайша ғалымдар ҚР президентіне латыннегізді әліпбидің жаңа Жобасы туралы концепция негіздемесін ұсынып отыр. Ашық хатқа жалпы саны 16 ғалым қол қойған. Олар:

Сыздық Рабиға – ҚР Мемлекеттік сыйлығының лауреаты, профессор, академик;
Қайдар Әбдуали – филология ғылымының докторы, профессор, академик;
Сабден Оразалы – ҚР Мемлекеттік сыйлығының лауреаты, Қазақстан ғылымдар одағының президенті, академик; Қошанов Аманжол – ҚР Мемлекеттік сыйлығының лауреаты,профессор, академик;
Жарықбаев Құбығұл - психология ғылымдарының докторы, академик;
Ғаббасов Совет-Хан – ҚР еңбек сіңірген ғылым қайраткері, медицина және педагогика ғылымдарының докторы, Сулейменова Элеонора- филология ғылымының докторы, профессор;
Уәли Нұргелді - филология ғылымының докторы, профессор;
Жанұзақ Әкім – Халықаралық Адам институтының президенті, Еуропа жаратылыстану ғылымдары Академиясының мүшесі;
Бөлекбаев Әбілқасым - профессор;
Алдаш Айман –  филология ғылымының докторы, профессор;
Базарбаева Зейнеп - филология ғылымының докторы, профессор;
Күдеринова Құралай – филология ғылымының докторы, профессор;
Рысалды Құсайн – филология ғылымының докторы, профессор;
Каленова Гулнар – тарих ғылымдарының докторы, профессор;
Қапалбеков Бижомарт - филология ғылымының кандидаты. 

qazaqtimes.com