Головкинге қарсылас атануы мүмкін болған боксшы чемпиондық атағынан айырылды

Головкинге қарсылас атануы мүмкін болған боксшы чемпиондық атағынан айырылды

Қазақстандық кәсіпқой боксшы Геннадий Головкиннің салмағында WBO чемпиондық атағына ие Билли Джо Сондерс (26-0, 12 КО) допинг қолданғаны үшін чемпиондық атағынан айырылды.

Британдық боксшының допинг сынамасы оң нәтиже бермегені осыған дейін белгілі болған. Қанынан төзімділікті арттыратын оксилофрин бары анықталған еді. Нәтижесінде Массачусетс штатының атлетикалық комиссиясы (MSAC) боксшыға лицензия берген жоқ.

Билли Джо Сондерс допинг қанына мұрынға тамызатын дәрі арқылы түскенін айтып ақталды. Дегенмен боксшыға мұны дәлелдеу үшін уақыт та жеткіліксіз болды.

20 қазан күні америкалық Деметриус Андрадемен (25-0, 16 КО) жұдырықтасуы керек болатын. Бұл жекпе-жек өтпейтін болды. Британдық боксшының орнына намибиялық Уолтер Каутондоква (17-0, 16 КО) шығады. Қай жеңгені орта салмақта Сондерстен кеткен чемпиондық атақты иеленеді.

- Билли Джо Сондерс орта салмақта WBO чемпиондық атағынан өз еркімен бас тартты. Массачусетс спорттық комиссиясының антидопинг ережесін бұзғаны үшін жұрт алдында кешірім сұрады. 20 қазан күні америкалық Деметриус Андраде (25-0, 16 КО)  мен Уолтер Каутондоква (17-0, 16 КО) иесіз қалған чемпиондық атақ үшін жұдырықтасады. Одан өзге WBO атқарушы комитетіне боксшыны жарты жыл жекпе-жектерден шеттетуді ұсынамын, - деді WBO басшысы Франсиско «Пако» Валькарсел.

Британдық боксшы WBO чемпиондық атағын 2015 жылы Манчестерде Энди Лиді жеңіп иеленген еді. Одан кейін үш жекпе-жекте сәтті қорғаған-ды. Бірнеше рет Геннадий Головкинмен абсолютті чемпиондық атақ үшін жекпе-жек өтеді деп күтілген. Алайда қос тарап боксшылардың кездесуіне келісе алмаған еді.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Чемпиондар лигасы: 1/4 финалдың жеребесі тартылды
Чемпиондар лигасы: 1/4 финалдың жеребесі тартылды
"Пандемия кедергі емес". Қазақстандағы Алтайда қалай демалыс өткізуге болады?
"Пандемия кедергі емес". Қазақстандағы Алтайда қалай демалыс өткізуге болады?
Данышпандық — әйелдерге қарағанда ерлерге көбірек тән қасиет
Данышпандық — әйелдерге қарағанда ерлерге көбірек тән қасиет
Дұрыс тамақтану жайлы нақылдар
Дұрыс тамақтану жайлы нақылдар
Жыландар қалай ұшады?
Жыландар қалай ұшады?
Жер сілкінісі де тоқтата алмайтын жолаушылар пойызы
Жер сілкінісі де тоқтата алмайтын жолаушылар пойызы