Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Лайфстайл / Мәдениет / Музыка / Димаш орындаған "Самалтау" әні туралы не білеміз?

Димаш орындаған "Самалтау" әні туралы не білеміз?

Димаш орындаған

Димаш Құдайберген Қытайдың Фучжоу қаласында өткен VI халықаралық "Жібек жолы" кинофестивалінің жабылу салтанатында қазақтың халық әні "Самалтауды" орындады.

Әнге заманауи өңдеу жасалып, қобызбен сүйемелденген. Желі қолданушылары Димаш Құдайбергеннің орындауына да, "Самалтау" әніне де тәнті болғанын жазып жатыр.

Ән 1916 жылғы оқиғалармен байланысты. 1916 жылы 25 маусымда Ресей патшасы ІІ Николайдың "Реквизициялау туралы" жарлығы шығып, Қазақстан, Орта Азия мен Сібірдегі "бұратана халықтардан" 19-43 жас аралығындағы 400 мың адамды майданның тыл жұмыстарына алу көзделді. Ән мылтықтың дүмімен, зорлықтың күшімен кетіп бара жатқан бозбаланың сол сәттегі күйін бейнелейді.

Самал тау, қайран елім (өскен елім), шалқар көлім,
Не болар солдат болып көрген күнім,
Есіме қайта-қайта түсе бердің,
Кір-жуып, кіндік кескен қайран жерім (туған елім)

Атты емеспіз, жаяумыз,
Жаяудан да баяумыз,
Он бес күндей (сөтке) жүргенде,
Омбы жаққа таяумыз.

Жасым бар қос мүшелдей, жылым – сиыр
Тағдырдың айдауымен кеттім қиыр
Самал тау, қайран жерім (елім) артта қалды
Адасқан өрісінен біз бір үйір

Атты емеспіз, жаяумыз,
Жаяудан да баяумыз,
Он бес күндей (сөтке) жүргенде,
Омбы жаққа таяумыз.

Әке-шешем бар еді,
Жасы жеткен кәрі еді,
Осынау әнге салдырған,
Он алтының зары еді... 

Азаттық радиосы сайтында қазақ халқының дәстүрлі әндерін орындайтын әнші Ерлан Төлеутай бұл туындының авторы беймәлім екенін айтады.

– Әннің мәтініне, айтылу ерекшелігіне қарап, Арқа жақта туған ән екенін байқауға болады. Бірақ қанша ізденгеніммен әнде айтылатын "Самалтау" деген жерді таппадым. Жердің де аты ұмытылып кеткен болуы керек. Тіпті осыны шығарған әншінің өзі де сол кеткеннен қайтып оралмаған болу керек, – дейді ол.

Бұл ән Қазақстанда Бекболат Тілеуханның  орындауында танымал болды. Сондай-ақ Қытай қазағы Арай Айдарханның орындауында да кең таралған.
 
1
Рейтинг: +4

Дайындаған: Әлібек Оразбай
Фото: instagram.com/kudaibergenov.dimash
Қосылған күні: 21 қазан, 11:28

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.