Сұлу да сымбатты көрінудің жолдары #3

«Алма» пішінді бойжеткендердің кеуде жағы әдемі: иығы тік, омырауы үлкен, аяқ-қолдары жіңішке, ұзын болып келеді. Кемшілігі – қарынды болып келуінде. Сондықтан киім таңдағанда назарды иық, кеуде және аяқ пен қолдың сұлулығына ауатындай етіп таңдаймыз.

Ол үшін:

1. Тамақты ашып көрсететін, көкіректің астынан бүріліп, төмен қарай кең тігілген блуза, кофталар;

2. Қалың, тығыз матадан тігілген, белінің тұсы сәл қыналған жакет;

3. Тығыз трикотаждан тігілген жилет;

4. Ұзына бойы жолақ түсірілген жакет, кардигандарды көйлектің сыртынан киген бойды талдырмаш етіп көрсетеді;

5. Шынтақтан төмен жағы кең жеңді блузалар мен көйлектер;

6. Балақ жағы кең болып келетін шалбар;

7. Артқы қалтасы үлкен джинсы шалбар;

8. Ышқыры сәл жоғары тұратын шолақ шалбар;

9. Халат тәрізді қиғаш жабылатын көйлектер мен белдемшелер;

10. Белі жоғары көйлектер мен белдемшелер;

11. Кең етек белдемшелер;

12. Денеге еркін тұратын топтың сыртынан киілетін жейделер;

13. Аяқ киімнен балетка, қалың ұлтанды аяқ киімдер гардеробыңызда болуы шарт.

«Алмалардың» сымбатын бұзатын киімдер:

1. Жұмсақ матадан тігілген киімдер;

2. Денеге тар болып көрінетін көйлектер;

3. Бел жағында сурет, өрнектері бар блузалар;

4. 1-2 өлшемге үлкен блузалар;

5. «Галифе», «сигарет» шалбарлар;

6. Угги тәрізді аяқты жалпақ етіп көрсететін аяқ киімдер;

7. Жалпақ алқалар;

8. Жалпақ сырғалар;

9. Жалпақ белдіктер.

Жалпы «алмалар» дененің кемшілігін білдірмей тартып тұратын, тұтас киілетін корсет сатып алғаны абзал. 

Пальто, плащ, ішік сияқты сырт киімдер «алма» пішінді аруларды сұңғақ етіп көрсетеді.

«Алмаларға» қажет аксессуарлар:

1. Ұсақ, бірақ ұзын моншақ;

2. Жіңішке алқа;

3. Жалпақ білезік;

4. Жіңішке белдік;

5. Орташа ұзындықтағы сырғалар.

Қыз – елдің көркі екенін ұмытпағайсыз!

Сурет: Алексей Романов

Оқи отырыңыз:

Сұлу да сымбатты көрінудің жолдары #2

Сұлу да сымбатты көрінудің жолдары #1