2012 жылы экранға шыққан үздік отандық фильмдер

• "Махаббат әткеншегі"

Режиссер Абдолла Қарсақбаевтың ұлы Тоқтар Қарсақбаевтың «Қазақфильм» студиясының қолдауымен түсірген «Махаббат әткеншегі» кинофильмі қазіргі заман жастары туралы. 

• "Армандастар" 

Режиссер Ерлан Сағыновтың «Армандастар» («Ради будущего») фильмін «Қазақфильм» студиясымен біріге отырып өмірге әкелді. «Армандастар» - «Болашақ» стипендиясы жүлдегерлері туралы фильм. Басты кейіпкерлердің бейнесін Әділ Ахметов, Елдар Отарбаев, Айнара Ырысдәулетова, Марлен Жұмақов, Ғабит Мұстафа, Андрей Марычев сияқты актерлер сомдайды. Фильмнің тұсауы 15 мамырда алғаш Астана қаласында кесілді.

• «Аңыздар кітабы: Сырлы орман»

Режиссер Ахат Ибраевтың бұл фильмінің таныстырылымы 10 желтоқсанда «Арман» кинотеатрында өтті. «Аңыздар кітабы: Сырлы орман» - Фэнтези жанрындағы отандық тұңғыш фильм. 

•  "Шал"

Шәкен Айманов атындағы «Қазақфильм» киностудиясымен бірлесіп түсірілген фильмнің режиссері Ермек Тұрсынов. Басты кейіпкерлердің рөлін актер Ерболат Тоғызақов пен Орынбек Молдахандар сомдайды. Фильм Эрнест Хемингуэйдің «Шал мен теңіз» хикаясы желісі бойынша түсірілген. "Шал" "Жыл фильмі" деген ат алды. 

• "Ғаламтордағы махаббат"

Ш.Айманов атындағы "Қазақфильм" киностудиясының туындысы қазақстандық прокатқа 22 қарашада шықты. Режиссер Әмір Қарақұловтың "Ғаламтордағы махаббат" фильмі прокаттағы алғашқы аптасында 20 миллион теңге жинады. Басты рөлдерді Бибігүл Ақтан және Артур Смольянинов сомдайды.

• "Студент"

Ш.Айманов атындағы "Қазақфильм" киностудиясының қолдауымен түсірілген тоқсан минуттық фильмнің режиссері - Дәрежан Өмірбаев. «Студент» фильмі  Канн кинофеститвалінде "Ерекше көзқарас" категориясына жатқызылды. 

• "Аңшы бала"

Ш.Айманов атындағы "Қазақфильм" киностудиясының кезекті туындысының премьерасы 29 тамыз күні Алматыда өттті. Лентада 13 жасар Қамбардың басынан кешкен оқиғалары бейнеленген. Басты рөлдерді Санұржан Сүлейменов, Жүрсін Ерман, Әуелхан Идришева, Иманғали Мазімбай, Әбдімансұр Серіковтер сомдайды. Қазақстандық режиссер Ерлан Нұрмұхамбетовтың бұл фильмі Анапада XXI ашық халықаралық "Киношок" фестивалінде қазылар алқасының бірыңғай шешімімен "КиноМалыШок" конкурсының үздік лентасы деп танылды.

• "Қара шаңырақ"

Ш.Айманов атындағы "Қазақфильм" киностудиясымен бірлесіп түсірген фильмнің  режиссері Асқар-Мұхит-Нарымбетов. «Қара шаңырақ» ағайынды Нарымбетовтердің алғашқы төл туындысы.

• "Жаужүрек мың бала"

Ш.Айманов атындағы "Қазақфильм" киностудиясымен бірлесіп түсірген режиссер Ақан Сатаевтың «Жаужүрек мың бала» фильмі алғашқы көрсетілімнен-ақ, (3-6 мамыр аралығында) 1 миллион долларға жуық қаржы жинады. Картина, сонымен қатар, 17 мамыр күні Канн фестивалінде көпшілікке ұсынылып, көрермендердің ерекше ілтипатына ие болды.