Қазақстандық кәсіпқой боксшы, бірінші орта салмақта «WBA Fedelatin» атағына ие отандасымыз Қанат Исламның қатысуымен мотивациялық бейнеролик түсірілді. Бейнероликте Қанат жас боксшыны жігерлендіріп, демеу береді. Мақсатының аясы «Бұлақ көрсең – көзін аш» деген тағылымға саяды.
Айта кетейік, жақында ғана Қанат Ислам Бауыржан Момышұлы атындағы "Намыс" төсбелгісімен марапатталған болатын. Төсбелгіні ҚР Парламенті мəжілісінің депутаты Бақытбек Смағұл табыс еткен-ді.
Қанат Ислам келесі кездесуін 29 қазан күні Алматыда ганалық боксшы Патрик Аллотейге қарсы өткізеді. WBA (Interim) тұжырымы бойынша әлем чемпионы атағына таласатын болады. Жекпе-жек Алматы қаласында «Almaty arena» спорт кешенінде өтеді. Отандасымызға бірге жанкүйер болайық.