жеке
блог

Құлақтан үнің кетпестей, Сыңғырла, соңғы қоңырау!

 Бүгін ерекше тебіреніс пен толғанысқа толы күн...Бүгін мектеп атты кеменің ескегін есіп көрген кез-келген пендені бей-жай қалдырмайтын ұлы мерке.. Бүгін алтын ұя мектебін бітіріп, бала шақтан болашаққа қанат қаққалы отырған, жүректері лүпіл қағып ,қимастық пен қуаныш,аңсау мен арман сезімдері араласқан жас түлектер үшін ең бір қымбат, ең бір қимас, ең бір ұмытылмас күн... Өзіңің уақытын аямай, өзгенің уақытын аялай білетін, өз шәкірттерін білім нәрімен сусындатудан талмайтын аяулы ұстаздардың бір жылдық еңбектерінің жемісіне куә болатын күн...Бүгін соңғы қоңырау!


 

Бір кездері шашымызға ақ бантик, мойнымызға көк галстукті тағып, әр қоңырау ұрылған сайын сыныптан жүгіріп шығып жүретін оқушылар едік. Енді бүгін соңғы қоңырау үнін сағынып отырған, жай ғана қатардағы адамдармыз...Қоңырау үнін қатты сағындым! Мектебімді, ұстаздарымды сағындым...

Қызыыыық! Біз адамдар өткенімізді неге сонша тез ұмытқыш келеді екенбіз!? Қазір ойлап қарасам, оқушылық өмірден еске түісіп отырғаны тек мына жыр шумақтары екен:

Мектебің мынау,классың

Осында он жыл тұрасың.

Тарыдай болып кіресің

Таудай болып шығасың...

               *****

Соқ,соқ қоңырау

Сыңғырлайды қоңырау

Сылдырлайды қоңырау

Сыңғырлайды,сылдырлайды соңғы қоңырау!

              *****

Гүлдерге толы омырау,
Өмірде жоқ қой тоқырау.
Қимастық сезім оятып,
Соғылсын соңғы қоңырау.

Осы бір тақпақтарды жаттамаған оқушы жоқ болар, сірә?! Ал сіздің "мектеп", "оқушы" деген ұғымдарды естігенде ойыңызға не оралады? Бірге еске түсірейікші!


Осы пост арқылы қасиетті білім ордаларын, ыстық сағанышпен еске алып отырған жандарды бүгінгі мерекемен құттықтағым келеді. Білім нәрін сепкен алтын ұя мектептеріңіз, еркеліктеріңізді көтере білген ардақты ұстаздарыңыз,тай-құлындай тебісіп өскен құрдастарыңыз бен парталастарыңыз,қайта оралмас балалықтарыңыз жадыларыңыздан мәңгі өшпесін! Қоңырау үні құлақтарыңыздан мәңгі кетпесін!

Бөлісу:
Пікір қалдыру үшін сайтқа кіріңіз
Өзгерту



Жұлдызды блогтар

Жайлауға атпен бардық // Екіаша, Көкбұлақ, Шет Меркі, Орта Меркі
Жайлауға атпен бардық // Екіаша, Көкбұлақ, Шет Меркі, Орта Меркі
Шет Меркі өзені, Тоғызбұлақ ауылының тамаша табиғаты
Шет Меркі өзені, Тоғызбұлақ ауылының тамаша табиғаты
Ораза айының өңірлер бойынша кестесі
Ораза айының өңірлер бойынша кестесі