жеке
блог

Иықтан шашың, төгіліп жерге...

Көктемнің ең алғашқы таңымен таласа оянып, бүгінгі жоспарым бойынша Ұлттық кітапхана қайдасың? - деп жол тартып кеттім. Автобус толған ығы- жығы адам...Аялдамаға жетіп, автобустан түсуге бет алғанда, кенет бірнәрсе ұстап қалғандай болды, қарасам күртешемнің сырмасына бір қыздың шашы қыстырылып қалыпты.Содан не керек, шашты ағыта алмай екі жақтап әбігерге түстік. Ақыры түк шықпағаннан соң , шашты қолдап үзіп тастауға тура келді. Ал оралған шаш сол күйі сырмамда қалып қойды... Тек бұл ғана емес, орынсыз жайылған шаштардың көпшіліктің мазасын қашырып, көліктің есігіне қыстырылып немесе баз біреулердің түймесіне оратылып кетіп  жататындығының куәгері болып та жүрміз. Қор болған қайран шаштар - ай!

Ежелден бері халқымыздың қыз -келіншектерінің көркі - шаш, шаштың сәні - шашбау ,шолпы, шашқап еді. "Білектей арқасында өрген бұрым, Шолпысы сылдыр қағып жүрсе ақырын..." - деп ұлы Абай жырлаған бұрымды қыздарымыздың қатары азайғалы қашан! Бүгінде әр түрлі сан үлгісімен қиылған ,алуан түстерге боялған шаштар сәнге айналды.

  Біздің данагөй ата - бабаларымыз, ақ жаулықты апаларымыз "Шаштың киесі бар" - деп айтып кеткен.Естуімше шаштың бір талын да кез - келген жерге тастауға болмайды екен, оны құс ұясын салуға алып кетсе де, бас ауруына тап боласың.

  Өз басым шашы ұзын аруларға қызыға да, қызғана қараймын,бірақ, жоғарыдағыдай жағдайлардың себепкері болып жататын қыздарымызға өкпе - назым да  жоқ емес. Алланың береген ерекше жаратылысына тым болмаса қоғамдық орындарда ұқыпты болып,шашымызды  жинастырып жүрсек нұр үстіне нұр болар еді!

Бөлісу:
Пікір қалдыру үшін сайтқа кіріңіз
Өзгерту



ЕҢ ҚЫЗЫҚТЫ БЛОГТАР

«Тәртіпке бағынған ел құл болмайды».
Жайлауға атпен бардық // Екіаша, Көкбұлақ, Шет Меркі, Орта Меркі
Абайдың ғылым-білім туралы ойларының маңызы
Шет Меркі өзені, Тоғызбұлақ ауылының тамаша табиғаты
Шетелдегі қазақ полицей "Әлем батыры" атанды
«Тар заман» туындысында кездесетін афоризмдер

Жұлдызды блогтар

Жайлауға атпен бардық // Екіаша, Көкбұлақ, Шет Меркі, Орта Меркі
Жайлауға атпен бардық // Екіаша, Көкбұлақ, Шет Меркі, Орта Меркі
Шет Меркі өзені, Тоғызбұлақ ауылының тамаша табиғаты
Шет Меркі өзені, Тоғызбұлақ ауылының тамаша табиғаты
Ораза айының өңірлер бойынша кестесі
Ораза айының өңірлер бойынша кестесі