ТЖД өкілдері Қытай мен Қырғызстан шекарасында болған жер сілкінісі неліктен Алматыға әсер еткенін түсіндірді, - деп хабарлайды Massaget.kz тілшісі.
"Бұл көрші мемлекетте болған жер сілкінісі. Қытай мен Қырғызстан территориясының шекарасында болды. Біздің елге жету себебі - жер сілкінісің тереңдігі 5 шақырым болды, сонымен қатар, оның күші 7 баллға жеткендіктен бұл барлық Орта Азия мемлекеттерінде және біздің Қазақстанда сезіліп отыр. Алматылық - сейсмикалық қауіпті аймаққа жатқандықтан мұндай жер сілкіністері болып тұрады. Ол алматы қаласына қауіп әкеледі деп айтуға болмайды. Мұндай әлсіз жер сілкіністері Алматы қаласында болып тұрады", - дейді ТЖД өкілдері.
Еске салайық, 23 қаңтарда Алматыда жер сілкінісі болды. Қазақстан Республикасы Төтенше жағдайлар министрлігі "НТЦСН и И" сейсмикалық станциялар желісі Алматы уақыты бойынша сағат 2024 жылғы 23 қаңтарда сағат 00:09:02-де (2024 жылғы 22 қаңтарда Гринвич бойынша 18 сағат 09 мин 02 сек) жер сілкінісі тіркелгенін хабарлады. Жер сілкінісі MSK-64 шкаласы бойынша Алматыда 5 балл, Шымкент 2 балл болып сезілген.
Артынша жер сілкінісі тағы да сезілді. Көп ұзамай жер сілкінісінің үшінші толқыны сезілді.
Алматыда жер сілкінісі қайталанбайды
Сейсмикалық болжау комиссиясы Алматыдағы жағдай бойынша қорытынды жасады. Сейсмологиялық бақылаулар мен зерттеулердің ұлттық ғылыми орталығының базасында комиссия Алматы болжамдық полигонының аумағындағы сейсмикалық жағдайға бағалау жүргізеді. Оның қорытындысы бойынша комиссияның кезектен тыс отырысының хаттамасы дайындалады.
"Комиссияның қорытындысына сәйкес күшті және жойқын жер сілкінісі күтілмейді", - деп жазылған хабарламада.
Мемлекет басшысы Қасым-Жомарт Тоқаев алдын ала жоспарланған жұмыс кестесіне сәйкес 24-25 қаңтар күндері Алматыға барады. Бұл туралы Президенттің баспасөз хатшысы Берік Уәли хабарлады.
Президент мегаполистегі бірқатар нысанды аралайды. Соның ішінде Қаңтар оқиғасынан кейін күрделі жөндеуден өткен әкімдік ғимаратына барып, қаладағы жағдайға байланысты жиын өткізеді.
Алматы қалалық полиция департаментінің қызметтері мен бөлімшелері қызметтің күшейтілген нұсқасына көшірілді. Қаладағы жағдай тұрақты.
Instagram парақшамызға жазылып, ең қызықты ақпараттарды бірінші болып оқыңыз!