Риелторлар Алматыда алдағы жылдары баға қалай өзгеруі мүмкін екенін айтты, - деп хабарлайды Massaget.kz тілшісі.
Өңірлік коммуникациялар қызметінде өткен брифингте Біріккен риэлторлар қауымдастығы президентінің кеңесшісі Нина Лукьяненко қазір баға төмендегенін айтады.
"Қазір жылжымайтын мүлік нарығының 80 пайызы ипотекалық несие арқылы жүзеге асырылады. Сондықтан барлығына "Отбасы банкіндегі" жинақтау жүйесіне назар аударуды кеңес беремін. Пәтерлер қымбат десек те оларды сатып алу мүмкін, әсіресе, нарық құлдырап бара жатқан кезде. Әрине, бұл ешкімге құпия емес, жақын арада тоқырау күтіп тұрғанын болжап айтқанмын. Баға төмендегенін көріп отырмыз", - деді Нина Лукьяненко.
Сарапшы қаражаты бар және пәтер сатып алғысы келетіндерге дәл қазір нарықты бақылап отыруды ұсынады. Сонымен қатар, жаңа ғимараттарға қатысты ұсыныстар жасады.
"Қазір құрылыс салушылар келісімшарттардың бәрі дұрыс екенін айтады. Бірақ олай емес. Баға нақты төмендегенін байқаған кезде жарнамалық ұсыныстардың саны мен көлемін байқаймыз. Бірнеше құрлыс салушы шілденің басында акциялар жариялап, түнгі жеңілдіктер жасады. Мұны баға төмендегені демесек, енді қалай атаймыз?" - дейді риэлтор.
Оның сөзінше, құрлыс салушылар банктермен бірлесе отырып, бастапқы жарнаны 10 пайыз етіп, жеке бағдарламалар жасап жатыр. Көптеген құрылыс компаниясы бөліп төлеуді де ұсынады. Егер бұрын бөліп төлеу құрылыс аяқталғанға дейін ұсынылса, қазір 40 айға дейін беріледі екен.
"Қазір тұрғын үй нарығында сұраныстың көптігінен баға кері кеткені байқалады. Тұрғын үй нарығын не күтетінін ұзақ мерзімді перспективамен қарайтын болсақ, табиғи өсім, көші-қон өсімі, инфляция өсіп жатыр. Сондықтан, менің болжамым бойынша, алдағы 3-5 жылда пәтерлердің бағасы әлі де көтеріледі", - деп қорытындылады ол.
Айта кетейік, бұған дейін алматылық риэлтор маман Ләззат Ибраева пәтер жалға алуға байланысты бірнеше кеңес берген еді.
1-кеңес. Құжатқа мән беру
Ол үшін үйдің иесін растайтын құжаттарды сұрауымыз керек. Ондай құжатқа жылжымайтын мүлікті сатып алғаны жөніндегі келісімшарт пен үйдің техникалық паспорты жатады. Үйдің иесін білуге осы құжат жеткілікті.
2-кеңес. Қарыз бен борыш
Үйдің сатылымда тұрған не тұрмағанына, коммуналды қарыздары бар-жоғына да көз жеткізген абзал.
3-кеңес. Келісімшартқа қол қою
Үйдің иесі кім екенін білген соң, сол азаматпен келісімшартқа отыру қажет. Пәтер иелерінің кейбірі келісімшарт жасағысы келмейді. Бірақ келісімшарт қос тараптың да құқығын қорғауға, келеңсіз жағдайы дұрыс реттеуге көмектесетін құрал.
4-кеңес. Депозит беруге мән беру
Маманның айтуынша, депозит беру - өте даулы мәселе. Біреуі беру керек десе, енді бірі қарсы.
"Депозит беру үрдісі Қазақстанда кейінгі 2-3 жылда пайда болды. Батыстан келген жаңалық. Депозит алу арқылы үй иесі мүлкін, үйдің жөндеуін сақтандырады. Бұл жағынан дұрыс. Депозит берілгені жайлы келісімшартқа да қосқан жөн. Бірақ менің ойымша, оның сомасы ақылға қонымды болуы тиіс. Кейбір пәтер иелері депозиттің құнын бір айлық жалға беру құнынан да артық сұрайды", - деген болатын риелтор.
5-кеңес. Ешкімге алдын ала ақша бермеу
Маманның айтуынша, риэлторға да, үйдің иесіне де алдын ала ақша беруге болмайды.
Қазір риэлторлардың көбі нәтиже болғанда ғана ақы алады. Бірақ бұлардың арасында тек жалға берумен ғана айналысатын, күмәнді агенттіктер бар.
"Олар әдетте үйді тауып берместен бұрын 15-20 мың теңге көлемінде ақы сұрайды. Ол дұрыс емес. Сондықтан мұндай күмәнді ұйымдардан бас тартқан жөн", - деген еді ол.
Еске салайық, бұған дейін ғылым және жоғары білім министрі Саясат Нұрбек Алматыдағы жатақханаларды тексеріп шыққаны, нәтижесінде тапшылықтың басым бөлігі Алматы мен Астана қалаларында екені хабарланған болатын.
Сондай-ақ, ата-анасынан айырылған студенттер енді жатақханада тегін тұратыны айтылды.
"Сезон келе жатыр". Алматы мен Астанада пәтер жалдау қанша болып жатыр?
Instagram парақшамызға жазылып, ең қызықты ақпараттарды бірінші болып оқыңыз!