Аяғына кірпіш байлаған: Атырауда белгісіз біреулер итті суға батырмақ болды

Атырауда белгісіз біреулер итті суға батырмақ болған. Қаскүнемдер иттің аяғына кірпіш байлаған, - деп хабарлайды Massaget.kz тілшісі "Мой город" басылымына сілтеме жасап. 

Атырауда 25 маусымда жантүршігерлік оқиға болды. Волонтер және жануарлар құқығын қорғаушы Мамучар Карлович белгісіз біреулердің итті суға батырып жатқаны туралы ақпарат алғанын айтты. Оқиға орнында ол итті судан тапқан, қаскүнемдер жануардың аяғына тас байлады.

"Маған бір кішкентай қыз ит туралы айтып берді. Ол оны достарымен бірге құтқармақ болғанын, бірақ су терең болғандықтан түсе алмағанын айтты. Ит әбден шаршаған, үсті-басы су. Ит алып әрі ауыр болмаса да, оны бірден судан шығара алмадым.  Бірақ оны судан алып шыққанда аяғы байланғанын, артқы аяғына тас байланғанын көрдік. Мүмкін, біреу одан осылай құтылуды шешкен болар. Адамдарға не айтқым келеді? Жасаған барлық нәрсе жамандық, қиындықтар, қиындық ауыртпалық, кедергі түрінде қайтады. Егер мұны қаламасаңыз, мұндай әрекеттерді жасамаңыз. Әрине, кішкене мәселеден құтыласыз, бірақ басқа да көп қиындықтан қаша алмайсыз", - дейді волонтер.

Ит арнайы баспанаға жеткізілді, оған алғашқы медициналық көмек көрсетілді.

Еске салайық, бұған дейін әлеуметтік желіде бірнеше ер адам итті аяусыз өлтіріп жатқан видео тарағанын хабарлаған едік. Бұдан басқа, Өзбекстанда қасқой итті көлікке байлап, жол бойымен сүйреген еді. 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!