Тіркелмеген Yntymaq партиясының жетекшісі президенттікке кандидат ретінде ұсынылды. Ол - Мейрам Қажыкен, - деп хабарлайды Massaget.kz тілшісі.
Әлеуметтік желіде Мейрам Қажыкен президенттікке кандидат ретінде ұсынылғаны туралы ақпарат тарады. Кейінірек ол ақпартты растады.
2022 жылғы 28 қыркүйекте "Аманат" Қазақстан Кәсіподақтар Достастығы" ӨКМ орталық атқару комитетінің отырысы өтті. Сол кезде Мейрам Қажыкен осы ұйымнан кандидат ретінде ұсынылған.
Мейрам Қажыкен 61 жаста, Павлодар облысының тумасы. Ол - экономика ғылымдарының докторы, профессор, қазіргі қоғамды зерттеу институтының директоры, әлеуметтік-экономикалық жүйені, бейімделген экономиканы дамыту және Қазақстан Республикасының Бірыңғай еңбекақы төлеу жүйесі тұжырымдамасы жөніндегі кітаптардың авторы. Мейрам Қажыкен - Yntymaq партиясын құру жөніндегі бастамашыл топтың көшбасшысы.
Еске салайық, бұған дейін Инга Иманбаева президенттікке үміткер болуға өтініш бергені хабарланған болатын.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!