Қазақстандықтар Халыққа қызмет көрсету орталықтарының сайты бұғатталғанын жаза бастады. Цифрлық даму, инновациялар және аэроғарыш өнеркәсібі министрлігі бұл ақпаратқа қатысты түсінік берді, - деп хабарлайды Massaget.kz тілшісі.
Министрлік мәліметінше, 1414-тен келген SMS жалған емес.
"Бұл хабарлама eGov-mobile қосымшасында тіркелмеген қолданушыларға жіберілген. eGov-mobile қосымшасы әртүрлі өмірлік жағдайларда сауалнама толтыру үшін, сондай-ақ жаңалықтарды бөлісу үшін жеке SMS және push-хабарламаларын жібереді", - делінген хабарламада.
Яғни сілтемеге өтіп eGov-mobile қосымшасын орнатып алуға болады.
Аптаның басты оқиғалары мен пайдалы видеоларды көру үшін YouTube арнамызға жазылыңыз