АҚШ-тың Джорджия штатындағы аңшылар ұзындығы 4,3 метр, салмағы 378 келі болатын қолтырауынды ұстады.
Бұл АҚШ аумағында ұсталған ең үлкен қолтырауын. Бұрынғы рекорд 2013 жылы тіркелген еді. Ол кезде аңшылар ұзындығы 4,2 метр қолтырауынды ұстаған.
Қолтырауынды Меривезер округында тұратын Деррик Снелсон ұстаған. Ол 16 жастағы қызымен бірге кәсіби қолтырауын аулаушылармен бірге аңға шыққан.
Дерриктің айтуынша, олар үлкен қолтырауынның басын бірден көрген. Бірақ оның басы тұзаққа ілінуі үшін 5 сағаттан артық күткен. Себебі ол әр 45 минутта су бетіне 10 секундқа ғана басын шығарып отырған.
Алайда адамзат аулаған қолтырауындардың арасында ең алыбы бұл емес. Аустралияда 2011 жылы ұсталған Кассиус Клэй атты қолтырауын бар. Кассуистің ұзындығы 5,48 метр, салмағы 998 келі. Оған әйгілі боксшы Мұхаммед Әлидің (Кассиус Марселлус Клэйдің) есімі берілген.
Кассуиске бұл атақ бұрынғы рекордсмен Lolong қайтыс болуына орай телінген екен. Lolong-тың ұзындығы 6,17 метр, салмағы бір тоннадан астам болған. Сондай-ақ, ол Crocodylus porosus түрлеріне жатады. Оның өкілдері 100 жылдан астам өмір сүре алады, 7 метрге дейін өседі және салмағы тоннадан асады.
Ең алып қолтырауын деп Sarcosuchus imperator. Бұл түрдегі қолтырауындар Африкада 110 миллион жыл бұрын өмір сүрген. Соңғы қалдықтары Сахара шөлінен табылған. Ғалымдардың пікірінше, 50-60 жыл ішінде қолтырауындардың ұзындығы 11-12 метрге, салмағы 8 тоннаға дейін жетеді.