Сәлем, достар! Өмір өз ағысымен жылжып, жұма да жетіп қалыпты. Аптаның соңына таман, өткен аптаны қорытындылап, не істеп, не қойғаныңыз жайлы таразылап жатқан шығарсыз. "Келер аптада алтын уақытымды қалай мәнді қылып өткізем?" деп те ойланған боларсыз. Олай болса, дәстүрлі жаднамамыз сізге көмекке келеді.
 | Ерке көктем күлімдеп, жүрегімізге махаббат оты еніп жатыр. Келер аптада сүйікті жаныңызбен бірге қайда барсам екен деп бас қатырып жүрсеңіз, сіз үшін жағымды жаңалығымыз бар. Шынайы сезімнің тәттілігі мен беріктігін шебер бейнелеген әйгілі "Титаник" фильмі осы аптада 3 D форматында әлеммен қайта қауышты. Фильмнің жаңарған нұсқасы кім-кімді де қызықтырмай қоймас. Олай болса, қапы қалмаңыз!
|
 | Ағылшын тілін меңгеріп, компьютердің құлағында ойнасаңыз, сізден артық білікті маман жоқ. Маманнан бұрын, өзіңіздің білім байлығыңыздың артуына үлкен септігін тигізеді. Қалай үйренемін? деп үрейленбеңіз. Массагет.кз сайтындағы ағылшын тілін меңгеру курсы мен компьютер үйрену сабағы өз жалғасын табуда! |
 | Ғашықтар күні жақындап келеді. Ғашықтар күніне орай, махаббат тақырыбындағы ең үздік 10 ән рейтингі қолданушыларымыздың қолымен құралуда! Сіз де тыс қалмаңыз. Мүмкін, дәл сіздің сүйікті әніңіз осы рейтингтің көшін бастап қалар... Сондай-ақ, 15 сәуір - Ғашықтар күнінің дәстүрін ойлап табуға атсалысыңыз! |
 | Данышпандардың бір ғана оймақтай ойы біреудің өмірлік ұранына айналуы мүмкін. Редакция дүниені дүр сілкіндірген даналардың нақыл сөздерін тізбелеп отыруды дәстүрге айналдырмақ. Үнді ойшылы Махатма Ганди мен қытай данагөйі Конфуцийдің нақыл сөздерінің тереңіне сүңгіп, жүрегіңізге тоқыңыз... |
 | Түнде ұйқы, күндіз күлкіден айырған ҰБТ күн санап жақындап келеді. Түлектеріміз үшін де жақсы жаңалығымыз жоқ емес. Тест ережесі мың құбылып, жүз түрленсе де, ҰБТ өту балы өзгермейтін болды! ҰБТ-2012-нің өзге де жаңалықтарынан тез арада құлағдар боламын десеңіз, Массагет.кз-тен көз жазып қалмаңыз. |
 | Әлбетте, бүгінде компьютерсіз күн жоқ. Кенеттен жұмыс үстеліңізде сіз үшін маңызды құжат қалып қойды. Үйден жұмысқа қайтып келіп, әуре боласыз. Бұндай жағдай қайталанбас үшін үйде отырып-ақ, жұмыс үстеліңіздегі құжаттарды пайдалануға болады. Жо-жоқ, бұл сиқыр емес. Бұл компьютерді алыстан басқаратын арнайы бағдарлама. Сенбесеңіз, орнатып көріңіз! |
П.С: Осы кеңестердің қайсын, қалай орындағаныңыз жайлы бөлісуді де ұмытпаңыз. Сәттілік, достар!
a. aaa
