Өмірден түйгендерім...

Регина Брет (АҚШ)

Тоқсанға келіп, туған күнімді құттықтамақ болып отырған осы күнде өмірден түйгендерімді жинақтап, көпке ұсынуды жөн көрдім.

• Өмір әділ емес, бірақ өте тамаша.
• Наркүмән болғанда келешекке қарай жарты қадам ілгерлеңіз.
• Өмір өте қысқа. Оның қысқалығы сонша, уақытты зая етіп, әлде кімдерді жек көруге де мұрсамыз тимейді.
• Ауырып қалсаңыз қызметіңіз қарайласпайды, достарыңыз бен ата-анаңыз ғана сіздің жаныңызда болады.
• Ай сайын кредиттеріңізді толық төлеп тұруға тырысыңыз.
• Әр реткі жанжалда жеңіске жете беруіңіздің қажеті шамалы, тегінде құптамайтын істеріңізге мақұлдық берудің де жөні бар.
• Жалғыз өксігенше біреумен бірге жылаңыз, солай істесеңіз қайғы-мұңнан оңай арыласыз.
• Тәңірге кейістік білдірген әбестік емес, ол көтере алады.
• Тұңғыш еңбекақыңыз қолыңызға тигеннен бастап, зейнетке шыққанда істету үшін ақша жинаңыз.
• Өзіңіздің өткеніңізбен отаса білгеніңіз жөн, сонда ғана ол болашағыңызды ойрандамайтын болады.
• Көз жасыңызды балаңыз көрсе ештеңе етпейді.
• Өз өміріңізді өзгелердікімен салыстырмаңыз, сіз өзге өмірлердің осы күнге қалай жеткенін білмейсіз ғой.
• Егер белгілі қарым-қатынас жасырып жабуды қажет етсе, ондай қарым-қатынасты үзіңіз.
• Терең тыныс алыңыз, сергіп, тынышталып қаласыз.
• Керексіз, көріксіз немесе өзіңіз ұнатпайтын, көңіліңіз тартпайтын нәрселердің барлығын лақтырып жіберіңіз.
• Өлімнен аман қалсаңыз, расында тіпті де қайсар боласыз.
• Бала күннің бал дәуренін қайта құшудың қашанда кештігі жоқ. бірақ, бұған бола өзгелерді әурелемей, өзіңіз сүйгеніңіз абзал.
• Өмірдегі әуесіңізге қол созғанда, «Әй, мұным болмас» дей көрмеңіз.
• Балауыз шамды тұтатып, ең жақсы көрпе кірлігін істетіп, әдемі ұйқы киімін киіп алыңыз. Оларды ерекше кезде ғана істетпеңіз, бүгін ерекше күн.
• Дайындығыңыз жан-жақты болсын, содан кейін жағдайға қарап іс бастайсыз.
• Қазір-ақ ескі сүрдектен шығып ерекшеленіңіз. Күлгін жейдені жасыңыз ұлғайғанда ғана кие бастамаңыз.
• Ең маңызды мүше – ми.
• Сіздің шаттығыңызды өзіңізден өзге ешкім де меңгере алмайды.
• Басыңызға бір бақытсыздық түссе: «Бұл бес жылдан кейін де маңызды бола ма?» деген бір ауыз сөзбен безендіріп көріңіз.
• Талғамыңыз мәңгі тірі жасау болсын.
• Әр адамға, әр іске кешіріммен қараңыз.
• Өзгелердің өзіңізге қалай қарауымен тым санасып кетпегеніңіз жөн.
• Уақыт әрқандай істің дерлік бедерін өшіріп, ізін көмескілейді. Өзіңіз біраз уақыт беріңіз.
• Жағдай қанша жақсы болса да, қандай нашар болса да, оның бәрі өзгереді.
• Өзіңізге өте мұқият болмаңыз, сізге ешкім де олай қарамайды.
• Мұғжизаға сене біліңіз.
• Күтіп тұрмаңыз. Қазір-ақ өзіңізді әйгілеңіз, әрі, өз рөліңізді барынша сәулелендіріңіз.
• Балаңыздың балалық дәурені бір-ақ рет келетінін ұмытпаңыз.
• Түбінде бәрінен маңыздысы – сүйе алғандығыңыз.
• Егер өз мәселелерімізді қайыра тұрып, өзгелердікіне назар аударсақ, онда өз мәселелерімізді қайтадан тауып алатын боламыз.
• Қызғаныш тек уақытыңызды зая кетіреді, осы уақытта өзіңізге тиеселі дүниенің бәріне қолыңызды жеткізуіңіз мүмкін ғой.
• Ең тамаша істер алда.
• Жол беріңіз.
• Өмір әдемі қораптармен безендірілмегенімен, ол бәрібір тамаша тарту. Тіршілік алдында сіз мәңгі жақсырақ нұсқасын таңдайтын қабілетке иесіз.

Дайындаған: Сұңқар Ақбоз

Сурет: nipic.com