Республикалық «Аңсар–2015» әдеби байқауы жарияланды
![Республикалық «Аңсар–2015» әдеби байқауы жарияланды](/userdata/news/news_30586/image_l.png)
ҚР Білім және ғылым министірлігі мен «Инновациялық даму» ҚБ журналисттер клубы және «Қазконтент» АҚ «Әдебиет порталының» ақпараттық қолдауымен республикалық «Аңсар–2015» әдеби байқауы жарияланды.
Байқаудың мақсаты – қазіргі қазақ әдебиетін, отандық журналистика және басылымдарды дәріптеу және де жастардың шығармашылық мүмкіндіктерін дамыту және қолдау.
Байқауға журналистикаға, поэзияға қызығушылығы бар, прозалық шығармалар жазатын 14 пен 29 жас аралығындағы жастар шақырылады.
Байқау келесі номинациялар арқылы өткізіледі: «2015 жылдың үздік жас прозашысы», «2015 жылдың үздік жас ақыны», «2015 жылдың үздік жас тележурналисі».
Байқау жұмыстарының жалпы талаптары:
● Байқау жұмысын мемлекеттік және орыс тілдерінде жазуға болады.
● Бір автор бірнеше жұмыс жібере алады.
● Материал мәтінінің көлемі 3 000 белгіден кем болмауы тиіс (аралықсыз, әріп - Times New Roman, 12 кегль, арақашықтығы -дара).
● «2015 жылдың үздік тележурналисі» номинациясына ұсынылған бейнематериалдың көлемі 5 минуттан артық болмауы тиіс.
●Байқау жұмыстарын мына электрондық мекенжайға жіберу ұсынылады: konkurs_ansar2015@mail.ru (үлкен көлемдегі бейнематериалдар үшін гиперсілтемені файл айырбастау қорына жіберуге рұқсат етіледі).
Байқау жұмыстарының міндетті талаптары мыналар:
- материалдың актуалдығы;
- қоғамдық маңыздылығы;
- материалды ұсыну мәнері және ерекшелігі;
- деректілік және фактографиялық нақтылық;
- жанрлық өлшемге сәйкестік және ұсынылған мәліметтің толыққандылығы;
- таңдалған мәліметтердің жаңашылдығы және бірегейлігі.
● Байқауға ұсынылатын барлық шығармалар www.adebiportal.kz «Әдебиет порталында» онлайн түрде жарияланып, оқырмандар тарапынан бағаланып отырады.
Н. Айдархан