Германияның Кассел қаласында әлем елдерінде тарихтың түрлі кезеңінде оқуға тыйым салынған 100 мың кітаптан салынған парфенон ашылды. Парфенон Халықаралық Documenta заманауи өнер көрмесінің шеңберінде салынып отыр. Жоба авторы — Марта Минухин есімді аргентиналық суретші.
Жобаға енген кітаптар қатарында Борис Пастернактың «Доктор Живаго», Ремарктың «Батыс майданда өзгеріс жоқ», Кафканың «Өзгеріс», Сервантестің «Дон Кихот», Сент-Экзюперидің «Кішкентай ханзада», Кэрроллдың «Алиса ғажайыптар әлемінде», Норман Мейлердің «Жалаңаштар мен өлілер» сынды және өзге де кітаптар бар.
Арт-нысан 1933 жылы нацистердің антигермандық авторлардың 2000 кітабын өртеген жерде орналасқан.