Алматы, Атырау, Батыс Қазақстан және Қарағанды облыстары "қызыл" аймаққа оралды.
2021 жылдың 26 маусымындағы Қазақстан аймақтарындағы эпидемиологиялық жағдайды бағалау матрицасы жарияланды.
"Қызыл" аймақта: Нұр-Сұлтан, Алматы, Атырау, Батыс Қазақстан және Қарағанды облыстары.
"Сары" аймақта: Шымкент қаласы, Қостанай және Маңғыстау облыстары.
"Жасыл" аймақта: Ақмола, Алматы, Ақтөбе, Шығыс Қазақстан, Жамбыл, Қызылорда, Павлодар, Түркістан және Солтүстік Қазақстан облыстары.
Үнді штамының басты белгілері қандай?
21 маусымда Алматыда дельта штамын жұқтырған алғашқы жағдай тіркелді. Талдаулар қосымша зерттеулерге жіберілді. Кейіннен ауру саны күн сайын көбейе бастады. Үш күн ішінде Алматыда дельта штаммын жұқтырған 10 адам тіркелді.
Коронавирустың мутацияға ұшыраған жаңа түрі бұрынғыға қарағанда 60 пайыз жылдам жұғады. Үнді штамын жұқтырған адамның өліп кету қаупі бұрынғы коронавирусқа қарағанда айтарлықтай жоғары. Жұқпалы аурулар бойынша маман Абдул Гафурдың айтуынша, үнді штамын жұқтырған адамдарда диарея жиі кездеседі. Ол пандемияның бірінші толқынында мұндай симптом әлдеқайда аз кездескенін айтады.
Айта кетейік, COVID-19 үнді мутациясы наурыз айында анықталды. Үндістанның Денсаулық сақтау министрлігі сол кезде бірқатар штаттарда штамдардың пайда болуы мен вирустың таралуы арасында байланыс орнататын мәліметтер аз болғанын айтты. Кейіннен коронавирустың бұл нұсқасы әр түрлі елдерде, соның ішінде Қазақстанда да табылды.