Неге жігіттер көшеде түкіреді?

Қазақстанда басқалардың көзінше жерге түкіретін ерлер қауымын жиі байқауға болады. Олардың неге мұндай әдетке әуес екенін білу үшін психологтармен тілдестік.  

Мамандардың пікірінше, көптеген ер адам үшін түкіру - еркектіктің көрінісі. Өйткені әйелдер мен зиялы қауым бұлай істемейді. 

Енді бір маман көшеде түкіру адамның мәдени деңгейі мен жетілуінен хабар беретінін айтады. Кемел әрі толысқан адам өз-өзін сырттай бағалайды. Ненің дұрыс, ненің бұрыс екенін сараптайды. Сәйкесінше, қоғамдық орында қақырып, түкірмейді.

Негізінен, түкіру - кез келген этикалық нормаларға келмейтін бұрыс әрекет. Қоғамда жиіркеніш тудырады. Сондай-ақ, сілекей ауру таратады. Оның бактерияларға толы екенін ескеру керек.

Айта кетейік, енді елімізде түкірген адамды камера арқылы анықтап, оған айыппұл төлетеді.