Бір-бірімізге айтылмаған сөздер

Әлемді махаббат құтқарады. Қоғамның бүлінуі сүйіспеншілік, мейірімділік жоқтығынан туады. Сүйіспеншілік «Мен сені жақсы көремінмен» дәлелденбейді, іспен дәлелденеді. Оны әркім әртүрлі бағалайды.

Ал Марк Леви есімді француз жазушысының «Бір-бірімізге айтылмаған сөздер» («Те слова, что мы не сказали друг другу») кітабынан алынған мына үзіндіден ана мен баланың махаббаты көрінеді. Сөзімізден ісіміз жылдам болғаны дұрыс.

— Маған сүйіспеншілікті қалай үйреткің келеді? Аналық жылуыңмен жалғызсыраған жанымды жылытып па ең? - деп, қызы теріс қарады.

Анасы қызына жақын келіп:

— Қызым, кішкентай кезіңдегі оқиғалар есіңде ме? - деп сұрады.

— Иә, есімде. Жылы көрпе астында қолшаммен кітап оқитынмын. Сен соның бірін білмейтінсің, тіпті сұрамайтынсың да...

— Неге қолшаммен? Бөлменің жарығын жақпадың ба?

— Әдейі жасайтынмын: мені ұйықтап жатыр деп ойласын, менің кітап оқып жатқанымды білмесін деп тығылып жататынмын.

— Қолшамыңның күндіз-түні өшпегені қызық екен. Оның сиқыры неде? Ал кітап оқып жүргеніңді маған неге айтпадың?

— Мен неге айтуым керек?

— Осы жылдар аралығында қолшамың бір рет сөніп көрді ме?

— Жоқ!

— Себебі, саған қолшамның батареясын ауыстырудың қажеті жоқ еді...