Ғарыш ғылымы жаңалықпен толықты.
Калифорния штатының Ливермор ұлттық зертханасы мен Мюнстер университетінің бір топ ғалымы Юпитер ғаламшарының ядросы Күн жүйесі пайда болғаннан миллион жыл өткен кездің өзінде-ақ Жер шарының көлемінен 20 есе үлкен болған деген шешімге келді. Ғарыштық ауқымдағы миллион жыл дегеніміз бір-ақ сәтпен пара-пар. Ғаламшардың қалыптасуына кететін уақытты ескеретін болсақ, Юпитердің алғашқы сәттерден бастап үлкен көлемде болуы оның жасының ұзақтығын білдіреді.
Яғни, соңғы жаңалыққа сай Юпитер енді тек ең ірі ғаламшар ғана емес, сондай-ақ, ең көне ғаламшар болып шықты.