Тектоникалық жылжулардың салдарынан Аустралия құрлығы солтүстікке қарай 1,5 метрге жылжыды. Бұл өзгеріс соңғы 22 жылдың ішінде болған, деп хабарлайды аустралиялық ғалымдарға сүйенген ScienceAlert.
Бұл қорытынды GPS-өлшемдер негізінде жасалды. Осыған байланысты Аустралия ғалымдары құрлықтың географиялық нүктелерінің ресми координаттарына өзгеріс енгізуге әзір.
Аустралия құрлығы ғаламшардағы ең жылдам жылжитын материктердің бірі, ол солтүстікке және аздап батысқа қарай жылына 7 сантиметрге жылжып отырады. Бұл қозғалыс салдарынан сол маңдағы жер сілкінуі мүмкін.
Дереккөз: inform.kz