Қолданушылардың бірі таяуда YouTube видеохостингіне видео жариялады. Автордың айтуынша, видео америкалық Айдахо штатындағы Бойсе қаласында түсірілді.
Бейнежазбада беймәлім құс ұшып жүреді, кескіні біздің заманымыздан бұрын тіршілік еткен птерозаврға ұқсайды. Беймәлім құс видеода 10 секундтай көрінеді. Кадрларды жақындатып көргенде де құс ықылым заманның тіршілік иесінен аумайды - өзіне тән жотасын және кең жазылған қанатын байқауға болады.
Ал скептиктер объективке жарғанаттың түсіп қалғанын айтады. Ғалымдар бұл роликке қатысты түсінік бермеді.
Айта кетейік, птерозаврлар мезозой кезеңінде тіршілік еткен. Бұл түрдің жойылып кетуі динозаврлардың құрып кету уақытымен тұспа-тұс келеді, яғни 65 миллион жыл бұрын. Птерозаврдың қанатының ұзындығы – 11 метр.