Рикошет атты ретриверді Джуди Фридоно жетектеуші ит ретінде өсіріп, үйреткен. Бірде жағажайда иттің де, көп адамның да өмірін күрт өзгерткен оқиға болды.
Рикошет 15 айлығында қол-аяғы қимылсыз қалған баламен бірге серфке секірді. Содан бері бұл Рикидің жұмысына айналды. Рикошет "алғашқы серфер-ит" атанды.
Рики көптеген адамның арманын орындауға көмектесіп келеді. Мүмкіндігі шектеулі жандарға экстремалды спорт түрімен айналысуға жәрдемдесіп, рух береді.
Серфингпен айналысатын және адамдарға көмектесетін бірінші ит болып бүкіл әлемге танылған жануар – Life Rolls On қайырымдылық ұйымының өкілі.
Рики су фобиясынан құтылуға көмектеседі. Жақындарын жоғалтқан адамдардың жан ауруын жазады. Мысалы, Ян атты жас балақай әкесімен бірге үнемі серфингпен айналысатын. Бірақ ата-анасы оқыс жағдайға тап болғаннан кейін Ян судан қорқа бастады. Рикидің көмегімен балақай қайтадан тақтайға тұрды.
Рикошет – терапевт, психолог және батыр ит.