Юлия Путинцева Хобарттағы турнирдің ширек финалында ойнайды

Фото: Қазақстан теннис федерациясы

10 қаңтар 2024, 20:11

Қазақстанның екінші ракеткасы Юлия Путинцева Хобарттағы (Аустралия) WTA 250 турнирінің ширек финалына шықты, - деп хабарлайды Massaget.kz тілшісі.

Жарысты іріктеу кезеңдерінен бастаған қазақстандық теннисші екінші айналымда әлемнің 35-ракеткасы, чехиялық теннисші Мария Боузковамен ойнады.

Юлия Путинцева тарысты толы бәсекеде 6:4, 1:6, 6:3 есебімен жеңіске жетті.

Енді Қазақстанның екінші ракеткасы жартылай финалға шығу үшін қытайлық теннисші Юэ Юаньмен кездеседі. Матч ертең, 11 қаңтарда Астана уақытымен шамамен 11:45-те өтеді.

Еске салайық, бұған дейін Қазақстанның бірінші ракеткасы Елена Рыбакина Аделаидағы (Аустралиядағы) WTA 500 турнирінің ширек финалына өткенін жазған едік.

Өзекті жаңалықтарды өз уақытында оқу үшін Facebook парақшамызға жазылыңыз!

М. Лұқпан