Аргентина ұлттық құрамасы мен каталондық «Барселонаның» үздік шабуылшысы Лионель Месси сұқбаттарының бірінде неге шашын сарыға бояғанын айтты. Осыған дейін футболшының жаңа шаш үлгісі табынушыларының қызығушылығын тудырған болатын.
- Осы жыл маған ауыр болды. Тың серпіліс пен өзгеріс қажет болды. Нәтижесінде шашымды сары түске бояуға шешім қабылдадым. Жаңа өмір бастағым келді. Өзіме барлығын басынан бастаймын деп шарт қойдым, - деді футболшы.
Сұқбат барысында Лионель Месси ұлы Тиагоның футболға қызығушылығы туралы да айта кетті.
- Оған доп беріп, ойнатуға тырысқаныммен, футболға аса қызықпайды. Бәлкім команда сапына қосылғанда қызығып ойнап кетер, - деді.
Айта кетейік, Тиаго Месси бір кездері әкесі ойнаған «Ньюэллс Олд Бойз» клубы қарауында. Алдағы уақытта осы ұжымның академиясында футбол әліппесін үйренетін болады.