1912 жылдан бері алғаш рет Олимпиаданың алтын медалі екі спортшыға бөліп табысталды

Токиода өтіп жатқан Олимпиада ойындарында, ерлер арасында биіктіктен секіру секторында бірден екі чемпион анықталды. Бұл туралы Олимпиаданың ресми сайты хабарлады.

Катарлық Мутаз Эсса Баршим мен итальяндық Джанмарко Тамбери биіктікке секіру бойынша бірдей нәтижені көрсеткен.

Екі спортшы да 2,37 метр биіктікке секірген. Алтын медалдің иесін анықтау үшін екеуі де 2,39 метр биіктікке секіріп көрді. Бірақ, екі спортшы да бұл биіктікті бағындыра алмады.

Qatar's Mutaz Essa Barshim added a coveted Olympic gold to his list of accolades in the men's high jump in Tokyo on Sunday, but he had to share the medal with Gianmarco Tamberi of Italy after both men ended with jumps of 2.37 metres. https://t.co/3bMYhC9EBK

— Reuters Sports (@ReutersSports) August 1, 2021

Ойыннан кейін төрешілер екі спортшыны да Олимпиада чемпиондары деп атады.

"Ол спортта ғана емес, сыртта да менің ең жақын достарымның бірі. Біз бірге жаттығамыз", - деді Баршим.

Үшінші орынды  Беларусь спортшысы Недасеков (2,37) алды.

Айта кету керек, Олимпиада тарихында 1912 жылдан бері алғаш рет жеңіл атлетикадан екі спортшы арасында алтын медаль бөлінді.