"Тағы не керек?" Рахмонов UFC-ге үн қатты

Жеңілмеген қазақстандық файтер Шавкат Рахмонов алдағы жекпе-жегіне қатысты UFC-ге үн қатты, - деп хабарлайды Vesti.kz.

Шавкаттың негізгі қарсыласы Джефф Нил жарақатына байланысты жекпе-жекке шыға алмайтын болды. Бұл кездесу 14 қаңтарда Лас-Вегастағы UFC Fight Night 217 турнирінде өту керек болған.

Осыдан кейін Рахмоновты өзге америкалық Брайан Барберена жекпе-жекке шақырып, аралық салмақта жұдырықтасуды ұсынды. 

Қазақстандық файтер бұған келісіп отыр және ол Вегастағы турнирді өткізіп алғысы келмейтіні анық.

"UFC, мен дайынмын, ол дайын, тағы не керек?" - деп жазды Рахмонов Instagram желісінде.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!