Жәнібек Әлімханұлы өз атын тарихта қалдыруға уәде етті

WBO тұжырымы бойынша орта салмақтағы әлем чемпионы, қазақстандық Жәнібек Әлімханұлы (14-0, 9 КО) жанкүйерлерін қызықтырып қойды, - деп хабарлайды Massaget.kz тілшісі Vesti.kz-ке сілтеме жасап.

Ол Instagram-дағы cторисінде келесі жекпе-жегі туралы жазды.

"Тарихтың екінші бетін жазуды бастадық! Чемпион болу бір басқа, тарихи жекпе-жектерді өткізіп, із қалдыру бір басқа! Жақында ресмиленеді бұйыртса!", - деп жазды ол.

Әлімханұлы кейінірек жазба да жариялаған.

"Құдай қаласа 4 белбеуді жинаймыз, ағайын! Qazaq style-ды тарихта қалдырамыз!", - деп жазды ол бұл жазбада.

Посмотреть эту публикацию в Instagram

Публикация от JANIBEK | QAZAQ STYLE (@janibek_alimkhanuly)

Еске салайық, бұған дейін Жәнібек Әлімханұлының IBF белбеуіне ие германиялық Винченцо Гуальтьеримен (21-0-1, 7 КО) айқасқа шығатынын хабарлаған едік. Жекпе-жек Top Rank промоутерлік компаниясы 14 қазан АҚШ-тың Розенберг қаласында ұйымдастыратын бокс кешіне жоспарланған. Бұл айқаста Әлімханұлы чемпиондығын үшінші рет қорғайды. 

Гуальтьери кейінгі рет рингке 1 шілдеде шығып, төрешілер шешімімен бразилиялық Эскива Фалкаоны жеңді де, Головкин бос қалдырған IBF титулын иеленді. Винченцо бұған дейін Германиядан тыс жұдырықтасып көрмеген екен.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!